Yowano 1:34 - Livulu lya Shukulu Kalunga

³⁴ Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 1:34 Iomraidhean Croise

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Mateo 27:40

co vendekele ngwavo, “Yove wendekele ngwove ukasiwula Njuvo ya Shukulu Kalunga, co ukaitunga lalo a matangwa atatu! Lyamene yove vavenya nga u muna Njambi! Shuluka a cilindakano!”

Mateo 27:43

Wakulaelele muli Njambi, co wendekele ngwendi, ‘Nji Muna Njambi.’ Asinoni tumoneni nga Njambi amwamena.”

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mateo 4:3

Co Liyavola wezile kuli ikeye wendekele ngwendi, “Nga u Muna Njambi, shika mamanya awa ngeci alimuke makende.”

Mateo 4:6

co wendekele kuli ikeye ngwendi, “Nga u Muna Njambi, lyumbile asi, omwo visoneka vyendeka ngwavyo, ‘Njambi akashika tungelo twendi ali yove, co vakakukavwila na mavoko avo, ngeci myanja yove kesi ikatanuke ku limanya.’ ”

Mateo 8:29

Co vwasi-vwasi vatambekele ngwavo, “Ushaka kulinga vika netu ove Muna Njambi? Unaija nakutunyanyamesa omo simbu yetu kanda icete ndi?”

Mako 1:1

Evi vikevyo Vin̄anda Vyavivwa vya ali Yesu Kilistu, Muna Njambi.

Mako 1:11

Co mwilu mwatundile lijwi ngwalyo, “Yove u Munange injazema. Njilinakuvwaelela ali yove.”

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Luka 3:22

co Munzinzime Wakujela washulukile ali ikeye mu cifwa ngwe katela. Co mwilu mwatundile lijwi ngwalyo, “Yove u Munange injazema, njilinakuvwaelela ali yove.”

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 10:30

Tate nange twapwa umolika.”

Yowano 10:36

Ngeci mwange ni, Tate wanjangwile nakunjituma ano a kaye. Vatijo mwendeka ngweni njilinakushaula Njambi omwo njendekele ngwange nji Muna Njambi?

Yowano 11:27

Wakumbulwile ngwendi, “Eyo Mwene, njinakulaela ngeci yove u Wakuvwavesa, Muna Njambi, uje akaija ano a kaye.”

Yowano 19:7

Mbunga vamukumbulwile ngwavo, “Tuli na lishiko lije lyendeka ngeci napande vene kutsa, omwo nalipwisa ikeye vavenya Muna Njambi.”

Yowano 20:28

Tomasi wamukumbulwile ngwendi, “Mwene yange na Njambi yange!”

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

2 Kolinte 1:19

Omwo Yesu Kilistu Muna Njambi, uje vambulwile akati keni kuli Silase na Timateo nange vene, kesi ikeye umo uje napu “Eyo” nambe “Embwe.” Oloni muli ikeye mwakala lika “Eyo”,

VaHevelu 7:3

Kuli ikeye kukwesi cimweso cakutumbula ishe nambe vaina, nambe vakuku yendi, nambe cimweso ca cisemwa cendi nambe ku kutsa kwendi. Ikeye walifwa ngwe Muna Njambi, ikeye wapwa vene muka-kukombelela wa ku myaka yoshe.

1 Yowano 2:23

Omwo voshe vaje vavyana Mwana vavyana lalo Ishe, vaje vatambula Mwana vali na Ishe lalo.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

1 Yowano 4:9

Co Njambi nasholola cizemo cendi kuli yetu omwo watumine Munendi umolika mu kaye ngeci tukale na mwonyo muli ikeye.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

2 Yowano 1:9

Munu woshe uje kakala na vilongesa vya Kilistu, oloni avipulakana, ikeye kesi na Njambi. Woshe uje akala na vilongesa ali na vyoshe vivali, lshe na Mwana.

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.