Yowano 1:32 - Livulu lya Shukulu Kalunga

³² Co Yowano wambulwile vukaleo ovu ngwendi, “Njamwene Munzinzime Wakujela washulukile mwilu ngwe katela, co wakele ali ikeye.

Yowano 1:32 Iomraidhean Croise

Isaya 11:2

Munzinzime wa Shukulu Kalunga ukamwana mana, nakuzivuka na kulongwa mukushwana vanu vendi. Ikeye akazivuka cizango ca Shukulu Kalunga co akamusingimika,

Mateo 3:16

Omwo Yesu vamumbwitikile, vwasi-vwasi omo watumukile mu mema, co mwilu mwashokolokele, co wamwene Munzinzime wa Njambi watongamene ali ikeye ngwe katela.

Mako 1:10

Co vwasi-vwasi omo watumukile mu mema, wamwene lilu linashokoloka, co Munzinzime watundile mwilu watongamene ali ikeye ngwe katela.

Luka 3:22

co Munzinzime Wakujela washulukile ali ikeye mu cifwa ngwe katela. Co mwilu mwatundile lijwi ngwalyo, “Yove u Munange injazema, njilinakuvwaelela ali yove.”

Yowano 1:31

Yange kunjamuzivukile ngwange ikeye, oloni njezile nakumbwitika mu mema mukumusholola ku vanu va Isalele.”

Yowano 1:7

ikeye wezile nakuleka vanu a vyuma vya ceke, ngeci voshe vazive lijwi nakukulaela.

Yowano 5:32

Oloni kwali weka akwambulula vukaleo vwange, co njazivuka ngwange vukaleo vuje alinakwambulula ali yange vunapu vwa vushunga.