Yowano 1:29 - Livulu lya Shukulu Kalunga

²⁹ Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 1:29 Iomraidhean Croise

Kutuuka 28:38

Co Alone akaizale simbu yoshe mu luholo lwendi, ngecivene, yange Kalunga njikatambula milambu yoshe ije vaIsalele vakaikundika kuli yange, nameme nga vanu vanazimbala mu ngila yakwana milambu.

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Isaya 53:7

“Vamuyandesele, oloni wolokele kuluu, wolokele kuluu ngwe manga uje vatwala nakumutsiya, ngwe manga uje oloka kuluu kuli vaka-kumuteula.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

VaLevi 10:17

“Omwo vikajo kumwalililile n̄ombelo ya a vuvi mu mwela wakujela? Eyi n̄ombelo inapu yakujela manene, Shukulu Kalunga namyanayo mukwambata vuvi vwa mbunga ya vanu mukuvaambesa.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Kulava 18:1

Ngecivene, Shukulu Kalunga wendekele kuli Alone ngwendi, “Yove na vana vove, na vaLevi muvavoshe mukakala na mulonga wa vyoshe vikaviya ku Mbalaka, oloni yove lika na vana vove mukakala na mulonga wa vipangi vyeni vya vuka-kukombelela.

Kulava 18:23

Kutunda ano vaLevi lika vakevo vakapanga vipangi vya mu Mbalaka Mwakuliwanena. Co vakakala na mulonga wa uje ivakatsiya uje ashwenya kuyehi na Mbalaka. Eli linapu lalo lishiko lya vatekulwila veni voshe. Co vaLevi kuvakakala na vufuko nambe vushwana mu Isalele,

Kulava 21:9

ngecivene, Mosesa wafulile linyoka wa vunengu wamushukikile ku manda. Ngeci munu woshe uje nashumuwa omwo akenga ku linyoka wa vunengu, co ayoya.

Kulava 7:27

Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

Kulava 7:39

Wakombelelele lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Yowano 1:35

Alikaki Yowano wemanene lalo kuje na vandongisi vendi vavali,

Yowano 1:36

co omo wamwene Yesu alinakwija kuje, co wendekele ngwendi, “Kengeni, Muna Manga wa Njambi!”

Yowano 1:43

Alikaki Yesu wayongwele kuya ku Ngalileya. Co wawanene Filipu, co wendekele kuli ikeye ngwendi, “Njikave!”

Yowano 2:1

A litangwa lya mucitatu kwakele ciwano mu nganda ya Kana mu Ngalileya. Co vaina ya Yesu vakele kuje,

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 4:42

co valekele uje munakazi ngwavo, “Ololo tunakulaela, kesi omwo lijwi lyove, oloni omwo twalizivila yetu vavenya, co twazivuka ngwetu mwa vushunga ikeye Muyoyesi wa vaka-kaye.”

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Vilinga vya Miluwa 13:39

Co munapande kuzivuka ngeci woshe uje akulaela kuli ikeye napatuka ku vivi vyoshe kuje Lishiko lya Mosesa kulyasele kumipatuka.

Vilinga vya Miluwa 8:32

Co majwi a mu visoneka alavele akewo awa, “ Wafwile ngwe manga uje vatwala nakumutsiya, ngwe muna manga uje oloka kuluu kuli vaka-kumuteula, oloni wolokele kuluu.

1 Kolinte 15:3

Njamyanene vije vinjatambwile, vije vinapu vya seo yakama manene, Kilistu watsililile vivi vyetu, ngwe muvanasoneka mu Visoneka

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Ngalatiya 1:4

Uje walyecele ikeye vavenya omwo vuvi vwetu, ngeci atwamene ku simbu ino yaivi, ngwe ku cizango ca Njambi Tatetu,

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

1 Timateo 2:6

uje walyanene ikeye vavenya kupwa ndando yakupatula vanu voshe. Vuje vwapwile vukaleo a simbu yaivwa ngeci Njambi washakele vanu voshe vovoke,

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.

1 Yowano 4:10

Omu mukemwo mucafwa cizemo, kesi yetu twazema Njambi, oloni ikeye watuzemene nakutuma Munendi kupwa n̄ombelo ngeci vivi vwetu vanavisambesa.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 14:1

Asinoni njakengele, co kuje kwakele Muna Manga wemanene a Munkinda wa Siyone, wemanene na vanu vakupwa 144,000 vaje vavasonekele lizina lyendi na lizina lya Ishe a maholo avo.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 19:7

Tujoleleni nakuvwaelela, tushangazaleni vukama vwendi! Omwo simbu inete ya vulo vwa Muna Manga, co shombolwa yendi nalivwaesa laja.

Kujombolola 19:9

Co kangelo wendekele kuli yange ngwendi, “Soneka ngwove, vanavezika vaje vavanalanya ku ciwano ca vulo vwa Muna Manga.” Co kangelo wendekele lalo ngwendi, “Awa akewo majwi a vushunga a Njambi.”

Kujombolola 21:14

Co civumbe ca nganda vacitungilile a luvula lwa mamanya likumi na avali, aje avasonekele mazina a miluwa va Muna Manga likumi na vavali.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

Kujombolola 21:9

Co kangelo umo wa vaje vatanu na vavali vaje vakele na malonga atanu na avali akushula na tuyando tutanu na tuvali twakumanesela wezile kuli yange wendekele ngwendi, “Ija kuno, co njikakumwesa Shombolwa, munakazi wa Muna Manga.”

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.

Kujombolola 5:8

Omo walingile ngacije, co vaje vikashama vawana vakuyoya na vakulunu makumi avali na vawana valyumbilile kulutwe lwa Muna Manga. Co umo na umo wakwatele kalyalya na malonga a ngolinde ashulile na insense, evi vikevyo vyapwa malombelo a vanu va Njambi.

Kujombolola 6:1

Asinoni njamwene Muna Manga atavula kasateso kakulivanga ka tuje tusateso tutanu na tuvali, co njazivile umo wa vaje vikashama vawana vakuyoya endeka na lijwi lyakulifwa ngwe cililimo ngwendi, “Ija!”

Kujombolola 6:16

Co vasanene minkinda na mamanya ngwavo, “Ijeni mutuwile nakutufwika kutunda ku mesho a uje natumbama a litanda na ku vukalu vwa Muna Manga!

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”