Yowano 1:16 - Livulu lya Shukulu Kalunga

¹⁶ Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

Yowano 1:16 Iomraidhean Croise

Myaso 84:7

Omo vakele nakuya vavawezelelele nzili, co munu na munu walisholwele kuli Njambi wa Siyone!

Zakaliya 4:7

Minkinda yakama kuyikasa kwimana ku mesho ove. Ukatungulula Njuvo yange, co omo ukaka limanya lyakumanesela mu mutambela walyo, co vanu vakatambeke ngwavo, ‘Kuvwaha, kuvwaha!’ ”

Mateo 13:12

Omwo munu woshe alinavyo vakamuwezelela vikwavo lalo, co akakala na vyavingi, oloni uje kesi navyo, nameme cije alinaco vakamunyekaco.

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Mateo 3:14

Oloni Yowano washakele kumuvyana ngwendi, “Yange njapandele kwija kuli yove ngeci unjimbwitike, kesi yove wije kuli yange ngeci njikumbwitike!”

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Loma 5:17

Mwa vushunga a vuvi vwa munu umolika kutsa kwashwanene omwo uje munu umolika. Oloni vyuma vije vinasholoka vyanalingi uje munu umolika, ikeye Yesu Kilistu vinahyana manene! Voshe vaje vanatambula kutetela kwa Njambi kwa myaka yoshe vanavapwisa vaka-vushunga ku mesho endi vakashwana mu mwonyo ali Kilistu.

Loma 5:2

Ali ikeye natulingisa ngeci tuzivuke kutetela kwa Njambi, kuje tulinakuyoyela ololo. Co tulinakulishasha mu cinyangavili tulinaco cakutambula vumpau vwa Njambi!

Loma 5:20

Lishiko lyasholokele ngeci vilinga vya kupenga-penga vitume, oloni kuje vuvi vwatumine, kutetela kwa Njambi kwatumine manene.

Loma 8:9

Oloni yeni kumwesi mu vusitu, oloni muli mu Munzinzime, nga Munzinzime wa Njambi akala muli yeni. Woshe uje kesi na Munzinzime wa Kilistu, co Kilistu kesi muli ikeye.

Efeso 1:23

Cikungulukilo cinapu muvila wa Kilistu, ikeye kushula kwa uje ashulisa vyuma kwoshe-ikwoshe.

Efeso 3:19

Eyo, munapande kuzivuka cizemo cendi, nambe kumwasa kucizivuka mwamuvwa, co mushulilile na cifwa ca Njambi.

Kolose 1:19

Omwo vwapwile vutumbe vwa Njambi ngeci muli Mwana mukale cifwa coshe ca Njambi.

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.

1 Petulu 1:11

Vesekele manene kuzivuka simbu mukajo vikalingiwa na vatijo vikaija. Eyi ikeyo simbu ije yemikile Munzinzime wa Kilistu uje wakele muli vakevo, mukwambulula vya n̄avava ije Kilistu akayanda na vumpau vuje vukakavako.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.