Yowano 1:10 - Livulu lya Shukulu Kalunga

¹⁰ Lijwi lyakele mu kaye. Co nameme Njambi watangele kaye ali ikeye, oloni kaye kukamuzivukile.

Yowano 1:10 Iomraidhean Croise

Kushangumuka 16:13

Hangale walyendekesele ikeye vavenya ngwendi, “Mwa vushunga njinamono Njambi oku njiciyoya!” Ngecivene, Hangale watumbwile Shukulu Kalunga uje wendekele kuli ikeye ngwendi, “Ou napu Njambi Muka-kumona.”

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 18:33

Omo wamanesele kwendeka na Avilahama, Shukulu Kalunga waile, co Avilahama welukile kwimbo lyendi.

Isaya 53:3

Twamuyengwile nakumuvyana, wayandele nakuziva kuvavala. Naumo wai wakengele kuli ikeye, twamuyeluwisile ngwe kesi na seo.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Yowano 1:11

Ikeye wezile ku lifuti lyendi, oloni vanu vendi kuvamutambwile.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 1:3

Ali ikeye Njambi watangele vyuma vyoshe, co kukwesi cuma civatangele kujeneka ikeye cai.

Yowano 1:5

Ceke citwila mu lisusulungu, co lisusulungu kulyasele kucitundisa embwe.

Yowano 17:25

Yove Tate wa vushunga! Vaka-kaye kuvakuzivuka, oloni yange njikuzivuka, co ava vazivuka ngeci yove wanjitumine.

Yowano 5:17

Oloni Yesu wavakumbulwile ngwendi, “Tate alinakupanga simbu yoshe, co nange lalo njinapande kupanga.”

Vilinga vya Miluwa 14:17

Oloni visimbu vyoshe waanene vukaleo vwakukala kwendi vavenya a vyuma vyavivwa vije vyakalingi, co akamyana nyonzi yakutunda mwilu na vimbuto a simbu yaivwa, akamyana vyakulya nakushulisa vimbunge vyeni nakuvwaelela.”

1 Kolinte 1:21

Omwo Njambi mu mana endi nalingisa vanu ngeci kesi vamuzivuke mu mana avo. Oloni mu ngila eyi ya muzimbu vatumbula ngwavo wa “vulema” tulinakwambulula, Njambi wayongwele kwamena vaje vakulaela.

1 Kolinte 2:8

Naumo wai muka-kushwana wa ano a kaye wazivukile mana awa. Nga vawazivukile, nga kuvashukikile Mwene wa vumpau.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

Kolose 1:16

Omwo muli ikeye Njambi watangele vyuma vyoshe vya mwilu nevi vya asi, vyuma vije twasa kumona na vije kutwasa kumona, kwakao na vushwana vwa minzinzime ya ano asi na vashukulu na vaka-kushwana na vaka-moko yakushwana. Njambi watangele vyuma vyoshe muli ikeye na omwo ikeye.

VaHevelu 11:3

Akukulaela, tunazivuka ngeci vyuma vyoshe Njambi wavitangele na lijwi, ngecivene, vije twasa kumona vavitangele ku vyuma vije kutwasa kumona.

1 Yowano 3:1

Kengeni cizemo cakuhyana eci Tate alinaco kuli yetu! Cizemo cendi cakama manene ngeci valinakututumbula vana va Njambi, ngecivene, mu cifwa eci, mukemwo mutwafwa. Omu mukemwo vene vaka-kaye kuvatuzivuka, omwo vakevo kuvamuzivuka Njambi.