Yowano 1:1 - Livulu lya Shukulu Kalunga

¹ Akulivanga kwakele Lijwi, co Lijwi lyakele amo na Njambi, co Lijwi lyapwile Njambi.

Yowano 1:1 Iomraidhean Croise

Kushangumuka 1:1

Akulivanga Njambi watangele lilu na kaye.

Myaso 45:6

Litanda lyove lya vumwene yove Njambi, likakalako ku myaka yoshe! Mulamu wa vumwene vwove ukewo mulamu wa vushunga.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Luka 24:53

co simbu yoshe vakele mu Njuvo ya Shukulu Kalunga nakushangazala Njambi.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:18

Naumo wai wamona Njambi, kuvanga Mwana uje umolika, wakulifwa mumo na Njambi, uje ali ku mati ya Ishe, ikeye namusholola.

Yowano 1:2

Tunde akulivanga, Lijwi lyakele amo na Njambi.

Yowano 16:28

Njatundile kuli Tate, co njezile ano a kaye, co ololo njilinakutunda ano a kaye njilinakuya kuli Tate.”

Yowano 17:5

Ove Tate! Njane vumpau ku mesho ove ololo, vumpau vuje njakele navwo amo nove simbu kanda utange kaye.

Yowano 20:28

Tomasi wamukumbulwile ngwendi, “Mwene yange na Njambi yange!”

Yowano 8:58

Yesu wakumbulwile ngwendi, “Mwa vushunga njimileka ngwange, simbu kanda Avilahama asemuke, ‘Yange Ou.’ ”

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.

Efeso 3:9

nakumwesa vanu voshe muje vutumbe vwa cisin̄iko ca Njambi vukalingiwa. Njambi uje Ishamatanga wa vyuma vyoshe, washwekele cisin̄iko cendi ku myaka yoshe ya kunima,

Filipu 2:6

Ikeye simbu yoshe wakele na cifwa ca Njambi, oloni kayongwele kupwa amo na Njambi, cuma cakukakateya.

Kolose 1:15

Kilistu ikeye napu cifwa ca Njambi uje kutwasa kumona. Ikeye Mwana wa ntwatwa, mutwe wa vyuma vyoshe vyakutanga.

Kolose 1:17

Kilistu wakeleko te vyuma vyoshe vyai, co akukala muli ikeye vyuma vyoshe vili na mutambela wavyo wauvwa.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

VaHevelu 13:8

Yesu Kilistu ikeye umolika na izau na lelo na ku myaka yoshe.

VaHevelu 7:3

Kuli ikeye kukwesi cimweso cakutumbula ishe nambe vaina, nambe vakuku yendi, nambe cimweso ca cisemwa cendi nambe ku kutsa kwendi. Ikeye walifwa ngwe Muna Njambi, ikeye wapwa vene muka-kukombelela wa ku myaka yoshe.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

1 Yowano 5:7

Co Munzinzime nasholola vukaleo ngwendi eci cinapu vushunga, omwo Munzinzime wapwa vushunga.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Kujombolola 1:2

co Yowano nambulula vyoshe vije vyamwene. Ovu vukevwo vukaleo vwendi kupwisa ku muzimbu watundile kuli Njambi na vushunga vuje vwajombolwele ali Yesu Kilistu.

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 19:13

Cikoveyo cije cazalele vacimbwitikile mu maninga. Lizina lyendi lyapwile, “Lijwi lya Njambi.”

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:13

Yange wakulivanga na muka-kukotokela, vushangumukilo na mamaneselelo.”

Kujombolola 3:14

“Kuli kangelo wa ku cikungulukilo ca mu Laondisiya soneka ngwove, “Eli likelyo lijwi lyatundu kuli Ewa, mukaleo wa kulongwa na vushunga, ikeye nsina ya vyuma vyoshe vije vyatangele Njambi.