Yoshwa 9:1 - Livulu lya Shukulu Kalunga

¹ Omo vimyene voshe va mu kangombe ka yambi ya Yondau vazivile ngeci vaIsalele vanahyana, co voshe vaje vakele mu lifuti lya malundu, na mu lifuti lya ku vushelumukilo vwa malundu, na vaje vakele ku ngenge ya Lishali lya Menditelenyani, kutwala ku kunto ya Lembanone, vimyene va vaHiti, na vaAmoli, na vaKanana, na vaPelezi, na vaHivi, na vaNjevushi,

Yoshwa 9:1 Iomraidhean Croise

2 Samwele 24:7

Asinoni vaile ku mbwela ku nganda ya cimpaka ca Tile, vaile lalo na ku vinganda vyoshe vya, vaHiti na vaKanana, akukotoka vaile ku Mbeleshemba, ku mutambela wa mu mbwela ya lifuti lya Yunda.

Kutuuka 23:23

Co kangelo kange akaya kulutwe lweni akamitwala mu lifuti lije lya vaAmoli, na vaHiti, na vaPelezi, na vaKanana, na vaHivi, na vaNjevushi, co njikavanyongesa.

Kutuuka 23:31

Co njikatwa vinginga vya lifuti lyeni nakuvyamesa kutunda ku Linema lya Akava kutwala ku Lishali lya Menditelenyani, nakutunda ku mambo nakweta ku Ndonga ya Yufuleti. Co njikamyana moko akamwa yavavenya lifuti lije, mukavashekamo nakuvatundisamo omo mukaya kulutwe.

Kutuuka 3:17

Co nayongola ngeci akamitundisa mu tuyando twa mu Ingito, nakumitwala mu lifuti lyalivwa nevi vyakujenekamo vyai, lifuti lya vaKanana, na vaHiti, na vaAmoli, na vaPelezi, na vaHivi, na vaNjevushi.’ ”

Kutuuka 34:11

Co ononokeni mashiko awa njilinakumyanawo ku litangwa lya lelo. Kenga, njikasheka vaAmoli, na vaKanana, na vaHiti, na vaPelezi, na vaHivi, na vaNjevushi, omo yeni mulinakuya kulutwe.

Kulava 13:29

VaAmaleke vakala mu mbwela ya lifuti lya Kanana, co vaHiti, na vaNjevushi, na vaAmoli vakala mu lifuti lya malundu, co vaKanana vakala ku Mema a kalunga a Menditelenyani na ku ngenge ya Ndonga ya Yondau.”

Kulava 34:6

“Co nginga ya mu kangombe ka yambi ikapwa Lishali lya Menditelenyani.

Kwituluka mu Mashiko 1:7

Katukeni muye kulutwe, ku lifuti lya malundu lya vaAmoli, na ku lifuti lyoshe lije lyazengelekako, na ku Cana ca Yondau, na ku lifuti lya malundu, na ku cikulo, na mu mbwela, na ku ngenge ya Lishali lya Menditelenyani. Yeni mu lifuti lya Kanana, na musambwa ya Minkinda ya Lembanone, kweta na ku Ndonga yakama ya Yufuleti.

Kwituluka mu Mashiko 3:25

Shukulu Kalunga njitave njijavuke Ndonga ya Yondau, ngeci njikamone lifuti lije lyalivwa lya malundu na Minkinda ya Lembanone.’

Kwituluka mu Mashiko 4:49

Co lalo amo na mutambela woshe wa mu ngangela ku Ndonga ya Yondau na ku mutambela wa mu mbwela kweta na ku Lishali lya Mwongwa, na mu ngangela kweta kwisi ya Munkinda wa Pisenga.

Kwituluka mu Mashiko 7:1

“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi.

Yoshwa 1:15

kuvanga noo vanatambula lifuti lije lili mu kangombe ka yambi ya Yondau lije lyanavana Shukulu Kalunga Njambi yeni. Omo vanashwana laja lifuti lije lyanavana Shukulu Kalunga Njambi yeni, asinoni mukeluka nakutunga muno mu lifuti lyeni mu ngangela ya Yondau, eli lyamyanene Mosesa ngamba ya Shukulu Kalunga.”

Yoshwa 1:4

Vinginga vyeni vikatunda mu mambo ku mbwela nakweta ku Minkinda ya Lembanone ku kunto, nakutunda ku Ndonga ya Yufuleti mu ngangela kutuvakana lifuti lya vaHiti, nakweta ku Lishali lya Menditelenyani mu kangombe ka yambi.

Yoshwa 10:23

Ngecivene, valingile ngacije, vatuwisile vaje vimyene vatanu mu linzenzengoma, mwene wa ku Yelusalema, na mwene wa ku Hevelone, na mwene wa ku Njalemute, na mwene wa ku Lakishe, na mwene wa ku Engelone,

Yoshwa 11:17

Co Yoshwa wafungulwile vimyene voshe va mu mitambela ije nakuvatsiya, kutunda ku Munkinda wa Halake mu mbwela kuyehi na Endome, kweta na ku Mbalengande ku kunto, mu cana ca Lembanone ku mbwela ya Munkinda wa Helemone.

Yoshwa 13:5

na lifuti lya vaNgembale, na mu ngangela ya Lembanone mwoshe, kutunda ku Mbalengande, ije yakala mu mbwela ya Munkinda wa Helemone, nakweta ku Ngila ya Hamate.

Yoshwa 15:12

Co ngenge ya Lishali lya Menditelenyani ikeyo yapwile nginga ya mu kangombe ka yambi. Mu vinginga evi mukemwo muvakele vatekulwila va muyati wa Yunda.

Yoshwa 22:4

Co ololo, Shukulu Kalunga Njambi yeni naana kwoloka kuli vandolome veni vaIsalele ngwe muje mwamikulaesele. Ngecivene, ilukeni kwimbo ku lifuti lije limwalombele kupwa vushwana vweni, lifuti lya mu ngangela ya Yondau, lije lyamyanene Mosesa ngamba ya Shukulu Kalunga.

Yoshwa 22:7

Co capwile ngeci, litambelo limo lya muyati wa Manase, Mosesa wavaanene vushwana vwavo mu Mbashane mu ngangela ya Yondau, oloni ku litambelo likwavo Yoshwa wavaanene vushwana akati ka vandolome vavo mu kangombe ka yambi ya Yondau. Co omo Yoshwa wavelwisile ku membo avo, wavavezikisile.

Yoshwa 23:4

Njinaana vushwana ku miyati yeni livu lya miyati ije inasalako, amo neli lya miyati yoshe ije injinafungulula, kutunda ku Ndonga ya Yondau mu ngangela kweta ku Lishali lya Menditelenyani mu kangombe ka yambi.

Yoshwa 24:11

Mwajavukile Ndonga ya Yondau nakweta ku Yeliko. Co vanu va ku Yeliko vamilwisile, ngwe muje muvalingile vaAmoli, na vaPelezi, na vaKanana, na vaHiti, na vaNgilengashi, na vaHivi, na vaNjevushi. Oloni voshe mwavafungulwile

Yoshwa 3:10

Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

Yoshwa 3:17

Omo vanu vendele a livu lyakuma, co vaka-kukombelela, vaje vambatele Cikasa ca Cikumiiyo, vemanene lwii a livu lyakuma akati ka Ndonga ya Yondau noo vanu voshe vanajavuka.

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

Yoshwa 6:27

Ngecivene, Shukulu Kalunga wakele amo na Yoshwa, co lutsimo lwendi lwashandokelele mu lifuti mwoshe.

Yoshwa 9:7

Oloni vanalume va vaIsalele vavakumbulwile ngwavo, “Omwo vikajo tulikumiiya cikumiiyo neni? Alumo yeni mwatunga muyehi netu.”