Yoshwa 7:26 - Livulu lya Shukulu Kalunga

²⁶ Co vavalundikile mutumbo wakama wa mamanya, nakweta ku litangwa lya lelo kuucili. Eci cikeco civatumbwilile mutambela uje ngwavo Cana ca Tuyando. Asinoni vukalu vwa Shukulu Kalunga vwahwile.

Yoshwa 7:26 Iomraidhean Croise

2 Samwele 18:17

Asinoni vambatele civimbi ca Avisalome, vacumbilile mu mbulu yakulova mu shwata, valundikileo mutumbo wakama wa mamanya. Co vaIsalele voshe vatewele, vaile ku membo avo.

2 Samwele 21:14

Asinoni vatsindile vitsiya vya Saulu na Yonatana mu mbumbo ya Kishe ishe ya Saulu, mu Zela mu lifuti lya Mbenjemani, ngecivene, valingile vyoshe vije vyashikile mwene. Co munima yevi, Njambi wakumbulwile malombelo avo aa lifuti.

2 Mizimbu 29:10

“Co ololo njinayongola kulinga cikumiiyo na Shukulu Kalunga, Njambi ya Isalele, ngeci kesi atuluvalele lalo.

Ezela 10:14

Anguleni lika vamyata vetu vakale mu Yelusalema ngeci vakenge a n̄anda eyi. Ngecivene, taveni munu na munu ou ali na munakazi kesi kaYunda aije a simbu ije ivanemika, amolika na vantwama na maako va mu nganda yendi. Co mu ngila eyi, vukalu vwa Njambi vukahwa a cuma eci.”

Myaso 85:4

Twamene yove Njambi muyoyesi wetu, co likele kuluvala netu!

Kutuuka 32:12

Cikapwa vatijo omo vaka-Ingito vakendeka ngwavo yove watwamenenene vanu vove kuvatundisa mu Ingito, nakuvatsiila mu minkinda nakuvanyongeselamo voshe? Likele kuluvala, co yongolako mweka, kesi unene vukalu ovu ali vanu vove.

Isaya 40:2

Takameseni vanu va ku Yelusalema. Valekeni ngeci tuyando twavo tunahu, na vuvi vwavo vanavusambesa. Njavahisile manene a vuvi vwavo vwoshe.”

Isaya 65:10

Vakanjilemesa, co vakatwala vimanga vavo na vingombe vavo ku mwila ku Cana ca Shalone mu kangombe ka yambi na mu Cimbongo ca Tuyando mu ngangela.

Mbimbi 3:53

Vanjumbilile mu mbulu vutona, nakushoka ku cikolo na limanya.

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Hoziya 2:17

Kunjikamutavesa kutumbula lizina lya Mbale lalo embwe.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Njwele 2:18

Asinoni Shukulu Kalunga wazivilile ngozi lifuti lyendi, co wazivile mema ku mbunge ali vanu vendi.

Yona 1:15

Asinoni vakakwile Yona nakumumbila mu mema a kalunga. Co mema a kalunga alikelele kungwanjanga.

Zakaliya 6:8

Co uje kangelo watambekele kuli yange ngwendi, “Tuvalu vaje vaile ku kunto ku Mbambilone vanolwesa vukalu vwa Shukulu Kalunga.”

Kulava 25:8

wakavele uje munalume na uje munakazi muje mu mbalaka, co muvuvali vwavo voshe wavapulyasanene likunga. Mu ngila eyi uje mushongo wakulitambwisa washakele kunyongesa vaIsalele wahwile,

Kwituluka mu Mashiko 13:17

Kesi mukambateko cuma cimo ku vije vivasompelele kunyonga, asinoni Shukulu Kalunga akatenguluka ku vukalu vwendi nakumizivila mema ku mbunge, co akamitumisa ngwe mwalisingile na vakukulwila veni,

Kwituluka mu Mashiko 13:18

nga mukononoka ku lijwi lya Shukulu Kalunga Njambi yeni nakunyunga mashiko endi oshe awa njinamishiki ku litangwa lya lelo, nakulinga vije vyashaka.

Yoshwa 10:27

Omo litangwa lyatokele, Yoshwa washikile ngeci vatundise mivila yavo nakuyumbila mu linzenzengoma muje muvavandele akulivanga. Co vandumwinineko mamanya akama ku cikolo ca lije linzenzengoma, na lelo lino anga muvacili.

Yoshwa 7:24

Ngecivene, Yoshwa amolika na vanu voshe va Isalele, vakwatele Akane muna Zela, na siliva, na cikoveyo, na livundungulu lya ngolinde, amolika na vana vendi va vanalume, na ava va vanakazi, na vingombe vendi, na vimulu vendi, na vimanga vendi, na mbalaka yendi, amo na vyuma vyoshe vije vyakele navyo, co vavatwalele ku Cana ca Tuyando.

Yoshwa 8:29

Asinoni Yoshwa washukikile mwene wa ku Ayi a muti, co wasezele muvila wendi aje noo cingwezi. Omo lyatokele, Yoshwa washikile ngeci vatundiseo muvila vakaumbilile ku vukovelelo vwa cikolo ca nganda. Co valundikileo mutumbo wakama wa mamanya, kweta na ku litangwa lya lelo kuwacili.