Yoshwa 7:25 - Livulu lya Shukulu Kalunga

²⁵ Co Yoshwa wamwihwile ngwendi, “Omwo vikajo unatunenela tuyando twangacije? Ololo nove Shukulu Kalunga akakuyandesa ku litangwa lya lelo!” Asinoni vanu voshe vamwashele mamanya nakumutsiya. Co lalo vashele mamanya naanga yendi nakwenyeka vufuko vwendi vwoshe.

Yoshwa 7:25 Iomraidhean Croise

Kushangumuka 34:30

Yakomba wendekele kuli Simyoni na Levi ngwendi, “Mwanjikovelesa mu vukalu, ololo vaKanana, na vaPelezi, na vanu voshe va muno mu lifuti vakanjizinda. Yange kunjesi na vanu vavangi, nga voshe vakalipandakana amolika nakunjilwisa, co vakanyongesa naanga yetu yoshe.”

Kushangumuka 38:24

Omo kwetile vingonde vitatu, munu umo walekele Yunda ngwendi, “Vanyokomweno Tamale valipwisile cikwizi, vali na kafumba.” Yunda washikile ngwendi, “Mutuwiseni anja ya nganda nakumwenyeka atse.”

1 Mizimbu 2:7

Kalemi wakitile Akane, umo wa vatekulwila va Zela, uje wanenele vukalu ali vanu va Isalele akunyunga vyakupukula vije vivakundikile kuli Njambi.

Visimo 1:19

Vufuko vuje uwana mu ngila ya muuka vukakutwala ku kutsa, eci cikeco cilingiwa ku munu uje ayoya mu ngila ya muuka.

Visimo 15:27

Muka-cipululu akanene vukalu ku naanga yendi, oloni uje azinda lizika-kanwa, akayoya.

VaLevi 20:14

Nga munu ambata mwana na vaina, voshe muvutatu vwavo vavacavelele mu litende lya tuya, omwo vanalingi cuma cizivisa shwamwa manene. Cuma cakufwa ngacije kumwapandele kucitavesa akati keni.

VaLevi 20:2

“Leka vanu vaIsalele ngwove, munu woshe akati keni, nambe umo muka-kwija uje alinakukala akati keni, uje akana umo munendi ngeci vamupangese akulemesa njambi Moleki, co mbunga yoshe ikamutsiye na mamanya.

VaLevi 21:9

Nga muna muka-kukombelela wa munakazi aliviisa nakupwa cikwizi, azivisa shwamwa ishe. Co vakamwenyeke mu tuhya.

VaLevi 24:14

“Tuwiseni anja ya cilombo uje munalume nashawile lizina lyange. Munu na munu uje nazivile omo nashawile akakambeke mavoko endi a mutwe wa uje munalume mukushulisa vukaleo ngwendi ali na mulonga. Asinoni mbunga yoshe vakamwashe mamanya.

Ngalatiya 5:12

Njishaka ngeci vanu vaje valinakumitanganesa kesi valengesele aa lika, veceleni vatwaleo nakulipwisa vayunuke!

Kwituluka mu Mashiko 13:10

Mukamutsiye na mamanya omwo ikeye nesekele kumitundisa kuli Shukulu Kalunga Njambi yeni, uje wamitundisile ku Ingito, kuje mwakele mu vunzinda.

Kwituluka mu Mashiko 13:11

Omo vanu va Isalele voshe vakaziva evi vinalingiwa, co vakakala na lyova, co naumo wai lalo akalinga vuvi vwa cifwa cangacije.

Kwituluka mu Mashiko 17:5

co mukatwale uje munu anja ya nganda nambe munalume nambe munakazi, nakumutsiya na mamanya.

Kwituluka mu Mashiko 21:21

Co vanalume voshe va muje mu nganda vakamwashe mamanya nakumutsiya, co yeni mukatundisa vuvi vwa cifwa eci akati keni. Vanu voshe va mu Isalele vakaziva evi vivanalingi, co vakakala na lyova.

2 Tesalonika 1:6

Njambi akalinga vije vyavivwa, co akanena tuyando ali vaje valinakumiyandesa,

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

Yoshwa 6:18

Oloni yeni kumwapandele kwambatako cuma cimo ku vije vyakunyongesa, nga mulingamo, co mukanena cisingo na tuyando mu cilombo ca vaIsalele.

Yoshwa 7:15

Co cikapwa ngeci woshe uje vakawana na vyuma vije vyakukundika vakamwenyeka, na naanga yendi, na vyuma vyendi vyoshe, omwo nanena shwamwa yakama ali Isalele, co napokola cikumiiyo cange.”

1 Samwele 14:29

Yonatana wamukumbulwile ngwendi, “Tate nalingi cuma cakukaluwisa manene vanu vetu! Kengeni, ololo njaziviko mwamuvwa omwo njinalile tumo tuvuki!