Yoshwa 7:24 - Livulu lya Shukulu Kalunga

²⁴ Ngecivene, Yoshwa amolika na vanu voshe va Isalele, vakwatele Akane muna Zela, na siliva, na cikoveyo, na livundungulu lya ngolinde, amolika na vana vendi va vanalume, na ava va vanakazi, na vingombe vendi, na vimulu vendi, na vimanga vendi, na mbalaka yendi, amo na vyuma vyoshe vije vyakele navyo, co vavatwalele ku Cana ca Tuyando.

Yoshwa 7:24 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Yombi 20:15

Muka-vuvi akashanja vufuko vuje wevile, Njambi avutundisa mwimo lyendi.

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Visimo 15:27

Muka-cipululu akanene vukalu ku naanga yendi, oloni uje azinda lizika-kanwa, akayoya.

Muka-kwambulula 5:13

Kuli cuma cimo cacivi cinjinamono ano asi, vanu vasa kukala na vufuko, oloni vuvanenela lika luvinda,

Isaya 65:10

Vakanjilemesa, co vakatwala vimanga vavo na vingombe vavo ku mwila ku Cana ca Shalone mu kangombe ka yambi na mu Cimbongo ca Tuyando mu ngangela.

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Yoshwa 15:7

co nginga yalamatele kutunda ku Cana ca Tuyando nakuya ku Ndembile, asinoni yazengulukile ku kunto ku Ngilingale, kushungama na vulamatelo vwa Ngila ya Andumime ku mutambela wa cana ca mu mbwela. Co nginga yetile ku masima a tuvwelu-vwelu a ku Eneshemeshe, co yaile lalo ku Enelongele,

Yoshwa 22:20

Anukeni Akane muna Zela wavyanene kwononoka lishiko a vyuma vije vyakukundika, ngeci vukalu vwezile a mbunga yoshe ya Isalele. Co Akane, kesi ikeye lika wanyongele a vuvi vwendi embwe.”

Yoshwa 6:18

Oloni yeni kumwapandele kwambatako cuma cimo ku vije vyakunyongesa, nga mulingamo, co mukanena cisingo na tuyando mu cilombo ca vaIsalele.

Yoshwa 6:21

Vanyongesele vyuma vyoshe vya mu nganda, co vatapele vanalume, na vanakazi, na vanike, na tukulukazi na moko ya mukwale. Vatsiile lalo vingombe, na vimanga, na vimulu.

Yoshwa 7:1

Oloni vanu va Isalele vavulumwine mulonga ku vyuma vyakukundika omwo Akane, muna Kalemi mutekulu wa Zavendi, wa ku cikota ca Zela ku muyati wa Yunda, wambatele ku vyuma vyakukundika, ngecivene, Shukulu Kalunga waluvalele manene na vanu va Isalele.

Yoshwa 7:23

Vavitundisile mu mbalaka, co vavinenele kuli Yoshwa na kuli vaIsalele voshe nakuvitumbika asi ku mesho a Shukulu Kalunga.

Yoshwa 7:26

Co vavalundikile mutumbo wakama wa mamanya, nakweta ku litangwa lya lelo kuucili. Eci cikeco civatumbwilile mutambela uje ngwavo Cana ca Tuyando. Asinoni vukalu vwa Shukulu Kalunga vwahwile.