Yoshwa 7:21 - Livulu lya Shukulu Kalunga

²¹ Akati ka vyuma twakapukwile, njamwene cikoveyo cacivwa manene ca vaMbambilone, na makilo avali a siliva, na livundungulu lya ngolinde lya vulemu vwa litambelo lya kilo. Njavishakele manene ngeci njavyambatele. Co mukaviwana njavishitika mukati ka mbalaka yange, co siliva ili kwisi yavyo.”

Yoshwa 7:21 Iomraidhean Croise

Kushangumuka 10:10

Nimelonde ikeye walivangele kushwana ku Mbambilone, na ku Eleki, na ku Akande, mitambela eyi itatu yakele mu Mbambilone.

Kushangumuka 3:6

Omo munakazi wamwene vuvwa vwa uje muti na sholovya ya vushuka vwawo, co lalo ukewo wasa kutengulwisa munu akale na mana, wapotwele vushuka vwawo, walile. Co waaneneko vumo munalume wendi, nendi lalo walile.

Kushangumuka 34:27

Omo vanavatsii laja, co vana va Yakomba vakwavo vezile nakupukula vyuma vya muje mu nganda nakulinga shambandinga omwo kushauka kwa ndokazi yavo.

Kushangumuka 6:2

Omo vamo vana va Njambi vamwene ngeci vana va vanakazi ava vapwile vavavwa manene, co vambateleo vamo akati kavo vaje vavashakeleo.

2 Samwele 11:2

Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

2 Vimyene 7:8

Omo vaje vanalume vawana vavinjile mushongo wa mbumba vetele kumukulo wa cilombo, vakovelele mu mbalaka imo, co valile nakunwa vije vyakelemo. Vambatele siliva na ngolinde na vuzalo vuje vawanenemo, co vatuukilemo vakavishwekele, co velukile lalo, vakovelele mu mbalaka ikwavo, co valingile ngeci muje mwakulivanga lalo.

Yombi 31:1

Njinalikumiya cikumiiyo na mesho ange ngeci nalumo lwai njikakenga mumbanda na lishungu.

Myaso 119:37

Tengulwila mesho ange kweka, ngeci kesi njimone vyuma vyangoco, pwa wamuvwa kuli yange ngwe muje wanjikulaesele.

Kutuuka 20:17

“Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”

Visimo 1:19

Vufuko vuje uwana mu ngila ya muuka vukakutwala ku kutsa, eci cikeco cilingiwa ku munu uje ayoya mu ngila ya muuka.

Visimo 23:31

Kesi ukenge ku vinyu omo vivenga, nambe omo vivyazima mu nganja, nambe omo viita mwamuvwa a milivu.

Visimo 28:22

Vaka-muuka vashaka vwasi kufuka, kuvazivuka vuutu muvukavezila.

Visimo 4:23

Nyunga viyongola vyove, omwo viyongola vyove vikevyo kavwelu-vwelu ka mwonyo.

Isaya 28:15

Kuma munayongola ngweni mwalikwata vusamba na kutsa, co munete akulizivasana na lifuti lya vukalo vwa vatsi? Omwo vikajo mukulaela mu makuli eni ngeci amyamene ku vukalu na ku livazi lyakama?

Isaya 29:15

Ngongo yavo vaje vashwekela Shukulu Kalunga matumbe avo. Vaje valinga vyuma mu vushweke, co valinakuyongola ngwavo naumo wai navamono nambe kuzivuka vije valinakulinga.

Hambakuke 2:9

Munavindama! Munafukisa naanga yeni na vije mwambatele akupanga muuka, co munatungu membo amavwa muje muli kwoloka ngeci naanga yeni kesi vakale mu vushonde!

Luka 12:15

Co wendekele navo voshe ngwendi, “Nyanyameni nakulinyunga ku cipululu coshe, omwo kuyoya kwa munu kukwakundamene ku vyuma vyali navyo, nambe afuke vati.”

Luka 12:2

Kukwesi cuma cakufwika civakonwa kufukula nambe cuma cakwendekela mu vushweke kuvanga cikajomboloke.

Efeso 5:3

Akupwa mu vana va Njambi, kesi mwamuvwa ngeci mukale majwi amo a vupangala, nambe vya mazilo, nambe vya cipululu, kesi muvisimutwiye akati keni.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

Kwituluka mu Mashiko 7:25

Ngecivene, mukenyeka tumponya twa vinjambi vavo vakushonga. Kesi mukaliveyele siliva nambe ngolinde ije valinayo, co kesi mukalinoneleyo embwe kutewa mukatsa mu nganjo yavo, omwo vyapwa vya vunyengwe ku mesho a Shukulu Kalunga Njambi yeni.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

Yakomba 1:15

Asinoni mashungu omo emita, co akita vuvi, co vuvi omo vunakolo, co vukita kutsa.

Yoshwa 7:20

Co Akane wamukumbulwile ngwendi, “Mwa vushunga vene, njinalingi vuvi ku mesho a Shukulu Kalunga Njambi ya Isalele, evi vikevyo vinjinalingi.

Yoshwa 7:22

Ngecivene, Yoshwa watumine vamo vanalume vashatukile ku mbalaka ya Akane. Co mwa vushunga vene vakawanene vije vyuma vanavishweke nakuvishitika muje vene, co siliva yakele kwisi yavyo.

2 Petulu 2:15

Vanaseza ngila yakushungama, co vanazimbalesa ngila yavo, vanakavangeya ngila yakavele Mbalame muna Mbeole, uje wazemene vimbongo vije vyakawana a vilinga vyavivi,