Yoshwa 7:13 - Livulu lya Shukulu Kalunga

¹³ Katuka! Jelesa vanu va Isalele. Valeke vaije ku mesho ange, valeke valivwaesele litangwa lya imene, omwo yange Kalunga Njambi ya Isalele njili nevi vyakwendeka. Kuli vyuma vyakukundika vili akati keni yeni vaIsalele, vije vinjamishikile ngeci muvinyongese! Kumukasa kwimana ku mesho a vitozi veni kuvanga munatundisa vije vyakukundika vili akati keni.

Yoshwa 7:13 Iomraidhean Croise

Kushangumuka 34:27

Omo vanavatsii laja, co vana va Yakomba vakwavo vezile nakupukula vyuma vya muje mu nganda nakulinga shambandinga omwo kushauka kwa ndokazi yavo.

2 Mizimbu 28:10

Co ololo munayongola kupwisa vanalume na vanakazi va mu Yelusalema na mu Yunda vindungo veni. Kuma yeni kumwazivukile ngeci neni lalo munalingi vuvi ku mesho a Shukulu Kalunga Njambi yeni ndi?

Mateo 7:5

Ove muka-civembulu! Akulivanga tundisa mukambo uli mu lisho lyove, asinoni umone mwamuvwa akutundisa kacishoni kali a lisho lya mukweni.

Kwituluka mu Mashiko 13:6

“Nga ndolome yove, nambe munove wa munalume, nambe munove wa munakazi, nambe munakazi wove iwazema, nambe musamba wove wa a mbunge akushongangeya ngeci mulemese vinjambi veka, vaje yeni na vakukulwila veni kumwalemesele.

Yoshwa 3:5

Yoshwa walekele vanu ngwendi, “Lijeleseni, omwo imene Shukulu Kalunga akalinga vikomoweso akati keni.”

Yoshwa 6:18

Oloni yeni kumwapandele kwambatako cuma cimo ku vije vyakunyongesa, nga mulingamo, co mukanena cisingo na tuyando mu cilombo ca vaIsalele.

Yoshwa 7:11

VaIsalele vanalingi vuvi! Vanapokola cikumiiyo cange cije cinjavashikile ngeci vacinyunge. Vanambata ku vyuma vije vyakukundika. Vakevo vanavivi nakwendeka makuli, co vanavikumbasana ku vyuma vyavo.