Yoshwa 7:12 - Livulu lya Shukulu Kalunga

¹² Mukemwo vaIsalele kuvasele kwimana ku mesho a vitozi vavo. Vanatewa omwo vapwile vakusinga. Kunjikakala neni lalo kuvanga mutundise vyuma vije vyakukundika vili akati keni.

Yoshwa 7:12 Iomraidhean Croise

Myaso 44:10

Yove watavele ngeci tutewe ku vitozi vetu, co vapukwile vyuma vyetu.

Myaso 60:10

Mwa vushunga vene kuma unatuvyana ndi? Kuma kuwasa kwenda amo na mashwalale vetu ndi?

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Isaya 59:2

Oloni vuvi vweni vukevwo vunamyangununa na Njambi yeni. Njambi kesi kuziva malombelo eni omwo vuvi vweni.

Njelemiya 23:33

Shukulu Kalunga wendekele kuli yange ngwendi, “Njelemiya, nga umo wa ali vanu vange, nambe muka-kwimanena, nambe muka-kukombelela akwihula ngwendi, ‘Citele ca Shukulu Kalunga cika?’ Valeke ngwove, ‘Yeni munapu citele kuli Shukulu Kalunga, co ikeye akamyumbila kuti.’

Njelemiya 6:8

Eni vanu va mu Yelusalema, tuyando otu tupwe twakuminangula, kutewa njikamiseza, co nganda yeni njikaipwisa mambo, muje naumo wai akakalamo.”

Hoziya 9:12

Oloni nameme valela vana, anga njikavatambulavo naumo wai njikasezao wakuyoya. Omo njikajenjuka vanu ava, co vyuma vyavikalu vikalingiwa kuli vakevo.”

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Kulava 14:39

Omo Mosesa walekele vaIsalele vije vyendekele Shukulu Kalunga, co valilile manene.

Kulava 14:42

Kesi muyeko omwo Shukulu Kalunga kesi neni, vitozi veni vakamifungulula.

Kulava 14:43

Omwo kulutwe lweni kuli vaAmaleke, na vaKanana, mukatsila mu nzita. Omwo mwavyana kukavangeya Shukulu Kalunga, co kakakala neni embwe.”

Kulava 14:45

VaAmaleke na vaKanana vaje vakele mu lifuti lya malundu vashelumukile nakulwisa vaIsalele nakuvafungulula, co vavashekele na ku Holema.

Kwituluka mu Mashiko 7:26

Kesi mukakovelese vyuma vya vunyengwe mu vinjuvo vyeni embwe, co cikapwa cisingo cimo cije cikakala ali yeni ngwe ali vije vinjambi vavo. Omwo vyuma evi vyapwa vyakusinga kuli Shukulu Kalunga.

Yoshwa 6:18

Oloni yeni kumwapandele kwambatako cuma cimo ku vije vyakunyongesa, nga mulingamo, co mukanena cisingo na tuyando mu cilombo ca vaIsalele.

Maako 16:20

Asinoni watambekele ngwendi, “Samusoni! VaFilisitiya vanaija!” Co ikeye wendukile wayongwele ngwendi, “Njikacakunuka nakupatuka ngwe visimbu vyoshe.” Co Samusoni kazivukile ngeci Shukulu Kalunga namuseze embwe.

Maako 2:14

Ngecivene, Shukulu Kalunga waluvalele manene na vaIsalele, co wavakundikile ku mavoko a vezi vaje vevile vyavo. Co Shukulu Kalunga wavakundikile ku vitozi vavo vaje vavazengelekele, ngeci kuvasele lalo kwimana ku mesho a vitozi vavo.

Maako 2:4

Omo kangelo ka Shukulu Kalunga wendekele majwi awa kuli vakevo, co vanu va Isalele voshe vashangumukile kulila nakutambakana manene,

1 Samwele 14:38

Co Saulu wendekele kuli vantwama va vanu ngwendi, “Ijeni kuno tumone vuvi muka vutunavulumuna ku litangwa lya lelo.