Yoshwa 7:11 - Livulu lya Shukulu Kalunga

¹¹ VaIsalele vanalingi vuvi! Vanapokola cikumiiyo cange cije cinjavashikile ngeci vacinyunge. Vanambata ku vyuma vije vyakukundika. Vakevo vanavivi nakwendeka makuli, co vanavikumbasana ku vyuma vyavo.

Yoshwa 7:11 Iomraidhean Croise

2 Vimyene 18:12

Samaliya yawile omwo vaIsalele kuvononokele Shukulu Kalunga Njambi yavo, oloni vapokwele cikumiiyo cije calikumiiye navo, co kuvononokele mashiko oshe aje avaanene Mosesa ngamba ya Shukulu Kalunga.

2 Vimyene 5:24

Omo vetele ku lilundu kuje wakele Elisha, Ngehazi wanonele vije vinjeke vivali wavitwalele mu njuvo. Asinoni walekele vangamba va Namane kwilukamo.

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Hoziya 6:7

“Oloni vwasi-vwasi omo vakovelele mu lifuti ku Andama, co vapokwele cikumiiyo cije njalikumiiye navo.

VaLevi 5:15

“Nga munu alinga vuvi kujeneka kuzivuka, omo ikeye nonwa kwana vije vyakujela kuli Shukulu Kalunga, co akanene lijamba lya manga nambe membe wakujeneka kapenga, ngeci apwe mulambu wa kuliilwisila kuli Shukulu Kalunga. Co ndando ya uje cimuna inapande kupwa ngwe ndando ije ishakiwa ku Mbalaka Mwakuliwanena.

Hambakuke 2:6

Vanu vaje lifuti lyavo vaMbambilone vanalitambula na nzili vakayeluwisa nakushendumuna vaMbambilone ngwavo, “Yeni mukambata vije kuvyapwile vyeni, oloni Njambi akaminyanyamesa! Mukafuka visimbu vingaijo akusindiya vanu vaje mwakumwisile vimbongo ngeci vamifwete?”

Zakaliya 5:4

Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”

Mateo 22:21

Vamukumbulwile ngwavo, “Vya Sezale.” Asinoni Yesu wendekele kuli vakevo ngwendi, “Mwamuvwa, ngecivene, aneni kuli Sezale vije vinakundama kuli Sezale, co aneni kuli Njambi vije vinakundama kuli Njambi.”

Vilinga vya Miluwa 5:9

Ngecivene, Petulu wendekele kuli ikeye ngwendi, “Omwo vikajo nove na munalume wove mwayongola kweseka Munzinzime wa Shukulu Kalunga? Kenga, vanalume vanakatsindile munalume wove ava vali ku cikolo ololo vene, co vakevo vakakutwala yove lalo!”

Kwituluka mu Mashiko 17:2

“Nga mukaziva mu nganda yeni imo munalume umo nambe munakazi umo nalingi cuma cacivi ku mesho a Shukulu Kalunga Njambi yeni, nakupokola cikumiiyo cendi,

VaHevelu 4:13

Cuma nacimo cai cakushweka kuli Njambi, vyuma vyoshe vije vivatangele kukwesi cuma cakufwika, vyoshe vili anja ku mesho endi. Co kuli ikeye tuvavoshe tunapande kulyambulwila vyetu yetu vavenya.

Yoshwa 23:16

Nga kumukanyungu cikumiiyo ca Shukulu Kalunga Njambi yeni cije camishikile, co nga mukapangela nakulemesa vinjambi veka nakuvatsikamena, vukalu vwa Shukulu Kalunga vukaija ali yeni, co mukanyonga vwasi mu lifuti lije lyalivwa lyanamyana.”

Yoshwa 7:1

Oloni vanu va Isalele vavulumwine mulonga ku vyuma vyakukundika omwo Akane, muna Kalemi mutekulu wa Zavendi, wa ku cikota ca Zela ku muyati wa Yunda, wambatele ku vyuma vyakukundika, ngecivene, Shukulu Kalunga waluvalele manene na vanu va Isalele.

Yoshwa 7:10

Co Shukulu Kalunga wendekele kuli Yoshwa ngwendi, “Induka! Omwo vikajo unalalela ngacije asi?

Maako 2:20

Ngecivene, Shukulu Kalunga waluvalele manene na vaIsalele nakwendeka ngwendi, “Omwo muyati wa vanu ava vanapokola cikumiiyo cije njalikumiiye na vakukulwila vavo, co vakevo kuvanjononokele,

1 Samwele 14:38

Co Saulu wendekele kuli vantwama va vanu ngwendi, “Ijeni kuno tumone vuvi muka vutunavulumuna ku litangwa lya lelo.