Yoshwa 7:1 - Livulu lya Shukulu Kalunga

¹ Oloni vanu va Isalele vavulumwine mulonga ku vyuma vyakukundika omwo Akane, muna Kalemi mutekulu wa Zavendi, wa ku cikota ca Zela ku muyati wa Yunda, wambatele ku vyuma vyakukundika, ngecivene, Shukulu Kalunga waluvalele manene na vanu va Isalele.

Yoshwa 7:1 Iomraidhean Croise

Kushangumuka 34:27

Omo vanavatsii laja, co vana va Yakomba vakwavo vezile nakupukula vyuma vya muje mu nganda nakulinga shambandinga omwo kushauka kwa ndokazi yavo.

2 Samwele 24:1

Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

2 Vimyene 5:24

Omo vetele ku lilundu kuje wakele Elisha, Ngehazi wanonele vije vinjeke vivali wavitwalele mu njuvo. Asinoni walekele vangamba va Namane kwilukamo.

1 Mizimbu 21:7

Oloni Njambi kavwaelelele na vije vyalingiwile, ngecivene, wahisile Isalele.

2 Mizimbu 24:18

Ngecivene, vanu valikelele kulemesela mu Njuvo ya Shukulu Kalunga, Njambi ya vakukulwila vavo, vashangumukile kulemesa tumponya, na vifwa vya Ashela njambi wa munakazi. Co vukalu vwa Shukulu Kalunga vwezile a Yunda na a Yelusalema omwo a vuvi ovu.

Ezela 9:6

Co njendekele ngwange, “Yove Shukulu Njambi, njili na shwamwa manene yakwandula mutwe wange ku mesho ove. Vuvi vwetu vunatumu manene kutuvakana mitwe yetu, vunete na mu melu.

Yombi 35:8

Vuvi vwove vwasa kuviisa mukweni munu, co vuvwa vuulinga kuli ikeye vwasa kukwasa mukweni munu.

Muka-kwambulula 9:18

Mana apwa amavwa manene kutuvakana vitwa vya nzita, oloni muka-vuvi umo asa kunyongesa vyuma vyavivwa vyavingi.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

VaLevi 10:6

Asinoni Mosesa wendekele kuli Alone, na kuli vana vendi, Elyazale, na Itamale ngwendi, “Kesi mulikele kusakula vin̄ambu vyeni, co lalo kesi mutavule vuzalo vweni mukumwesa ngeci mulinakulila embwe. Nga yeni mulingamo, co mukatsa, Shukulu Kalunga akaluvala na mbunga yoshe. Oloni vavushoko vweni vaIsalele voshe vanavatavesa kulila a kutsa oku kunalingiwa na tuhya tuje Shukulu Kalunga watumine.

Yona 1:7

Asinoni vaje vaka-kujavula valyendekesele umo na mukwavo ngwavo, “Ijeni tutae ngeci tuwane iyajo umo nanena vukalu ovu akati ketu.” Vataele, co ngombo yashumine Yona.

Yoshwa 22:16

“Omwo vikajo munalingila vuvi vwa ngacije kuli Njambi ya Isalele? Munatengulukila Shukulu Kalunga akuvyana kumukava akulitungila mutula ou yeni vavenya!

Yoshwa 22:18

Na ololo mulinakuvyana kumukava? Nga yeni mutengulukila Shukulu Kalunga ku litangwa lya lelo, co imene akaluvala na mbunga yoshe ya Isalele.

Yoshwa 22:20

Anukeni Akane muna Zela wavyanene kwononoka lishiko a vyuma vije vyakukundika, ngeci vukalu vwezile a mbunga yoshe ya Isalele. Co Akane, kesi ikeye lika wanyongele a vuvi vwendi embwe.”