Yoshwa 6:7 - Livulu lya Shukulu Kalunga

⁷ Co washikile vanu ngwendi, “Yeni muzenguluke nganda, co vaka-kulipakata vitwa vatwame kulutwe lwa Cikasa ca Cikumiiyo ca Shukulu Kalunga.”

Yoshwa 6:7 Iomraidhean Croise

Yoshwa 1:14

Vanakazi veni, na vana veni, na vimuna veni vakasala muno mu lifuti lije lyamyanene Mosesa, musambwa lino mu ngangela ya Yondau. Oloni mashwalale veni vakajavuka musambwa kulutwe lwa vavushoko vweni vaIsalele ngeci mukavakwase

Yoshwa 4:13

Co kwajavukile vanalume 40,000 vaje valipakatele vitwa vya nzita, vajavukile ku mesho a Shukulu Kalunga ngeci vakalwe nzita, vaketele ku vyana vya Yeliko.

Yoshwa 6:3

Yove na mashwalale vove mukazenguluka nganda lumo a litangwa na litangwa a matangwa atanu na limo.

Yoshwa 6:6

Ngecivene, Yoshwa muna Nune wasanene vaka-kukombelela, wavalekele ngwendi, “Ambateni Cikasa ca Cikumiiyo, co vaka-kukombelela vamo vatanu na vavali vambate malupembo atanu na avali vatwame kulutwe lwa Cikasa ca Cikumiiyo.”

Yoshwa 6:8

Omo Yoshwa nendeka laja na vanu, co vaka-kukombelela vatanu na vavali vaje vambatele malupembo atanu na avali vatwamene kulutwe oku valinakwimba malupembo, asinoni Cikasa ca Cikumiiyo ca Shukulu Kalunga cavakavele munima.