Yoshwa 6:5 - Livulu lya Shukulu Kalunga

⁵ Asinoni vaka-kukombelela vakaimbe lupembo simbu yakama, co omo mukaziva kwoya kwa lupembo olu, co vanalume voshe vakatambeke manene mutambi wa nzita, co civumbe ca nganda cikalundumuka. Co lishwalale na lishwalale akakovelele mu nganda aje anashungama.”

Yoshwa 6:5 Iomraidhean Croise

Kutuuka 19:19

Co omo cikumo ca lupembo catuvakanene manene kutenda nakutendangana, asinoni Mosesa wendekele, co Njambi wamukumbulwile mu cililimo.

Isaya 25:12

Njambi akanyongesa vimpaka vya Mowavi vyakukola na vivumbe vyavyo vyavilaja, nakuvilundumwina asi.

Isaya 30:25

A litangwa lije omo vimpaka vya vitozi vyeni vanavifungulula nakutsiya vanu vamwo, co ku munkinda woshe na ku lilundu lyoshe kukaita vana va vindonga.

Njelemiya 50:15

Tambekeni mutambi wa nzita nakuzengeleka nganda! Ololo Mbambilone inaliiti. Vivumbe vyayo vinau. Co vinasanyozokela asi, njilinakulinga shambandinga ali vaMbambilone. Ngecivene, neni lalo velwisileni shambandinga, valingeni ngwe muje vakevo valingile ku vakwavo.

VaHevelu 11:30

Akukulaela, vivumbe vya Yeliko vyalundumukilile asi omo vaIsalele vavizengelekele matangwa atanu na avali.

Yoshwa 6:16

Co omo vazengulukile nganda simbu yamucitanu na vivali, vaka-kukombelela vembile malupembo, co Yoshwa washikile vanu ngwendi, “Tambekeni, omwo Shukulu Kalunga namyana nganda!

Yoshwa 6:20

Ngecivene, vaka-kukombelela vembile malupembo, co vanu vatambekelele. Vwasi-vwasi omo vanu vazivile kwoya kwa malupembo, co vatambekelele manene, ngeci civumbe calundumukile. Co lishwalale na lishwalale woshe wakovelele mu nganda aje ashungamene nakuyifungulula.

Yoshwa 6:4

Co vaka-kukombelela vatanu na vavali vakambata malupembo a vimbinga vya majamba a vimanga atanu na avali, vakatwame kulutwe lwa Cikasa ca Cikumiiyo. Co a litangwa lyamucitanu na avali yove na mashwalale vove mukazenguluka nganda visimbu vitanu na vivali oku vaka-kukombelela valinakwimba malupembo.

Yoshwa 6:6

Ngecivene, Yoshwa muna Nune wasanene vaka-kukombelela, wavalekele ngwendi, “Ambateni Cikasa ca Cikumiiyo, co vaka-kukombelela vamo vatanu na vavali vambate malupembo atanu na avali vatwame kulutwe lwa Cikasa ca Cikumiiyo.”

Maako 20:37

Vanalume ava vashatukile vwasi kushungama na Ngimbeya, co valishandokelele mu nganda nakutsiya vanu voshe muje mu nganda na moko ya mukwale.

1 Samwele 17:20

Alikaki mutondo-tondo, Ndaviti wendukile, wasezele vimanga kuli kanyungi mukwavo, wambatele vyakulya, co waile ngwe mwamulekele Njesi. Wetele ku cilombo, wawanene vaIsalele valinakulikwalaleka mu mundandwe wa nzita, valinakutambeka mutambi wa nzita.

1 Samwele 17:52

Co vanalume va Isalele na Yunda vatambekele nakuvasheka, co vavashekele ngila yoshe, noo vavetesele ku Ngate, na ku vikolo vya Ekelone. VaFilisitiya vaje vavetwele, vaile nakuliwila-wila mu ngila yoshe yakuya ku Shalaime, kweta ku Ngate na ku Ekelone.

1 Samwele 4:5

Omo Cikasa ca Cikumiiyo cetele mu cilombo, co vaIsalele vatambekele manene nakujolela, co asi ajajele.