Yoshwa 6:4 - Livulu lya Shukulu Kalunga

⁴ Co vaka-kukombelela vatanu na vavali vakambata malupembo a vimbinga vya majamba a vimanga atanu na avali, vakatwame kulutwe lwa Cikasa ca Cikumiiyo. Co a litangwa lyamucitanu na avali yove na mashwalale vove mukazenguluka nganda visimbu vitanu na vivali oku vaka-kukombelela valinakwimba malupembo.

Yoshwa 6:4 Iomraidhean Croise

Kushangumuka 2:3

Ngecivene, Njambi wavezikisile litangwa lyamucitanu na avali, nakulijelesa kupwa litangwa lyakujela lyakulemesa, omwo a litangwa lije akeo ahwimine, akumanesa vipangi vyendi vyakutanga nakulinga vyuma vyoshe.

1 Vimyene 18:43

Co wendekele kuli ngamba yendi ngwendi, “Kenga ku mema a kalunga.” Ngamba yendi waile, co welukile, wendekele ngwendi, “Njinakengeko, oloni kunjamwene cuma nacimo cai.” Elinja wamulekele kwilukilako visimbu vitanu na vivali.

2 Vimyene 5:10

Co Elisha watumine ngamba yendi nakuleka Namane ngeci aye ku Ndonga ya Yondau mukujwela visimbu vitanu na vivali, co mwa vushunga vene akakanguka ku mushongo wendi wa mbumba.

2 Vimyene 5:14

Ngecivene, Namane washelumukilile ku Ndonga ya Yondau, co wambwitamenemo visimbu vitanu na vivali, ngwe muje mwamulekele Elisha, co mwa vushunga vene wakangukile. Cikonde cendi capwile cacivwa lalo ngwe ca mwanike wamundondo.

2 Mizimbu 13:12

Co kengeni, Njambi vavenya ikeye wapwa ntwama yetu, na vaka-kukombelela vendi tuli navo vakevo vali na malupembo avo akwimba kashashutwiya nakutuleka ngeci tulwe neni. Yeni vanu va Isalele kesi mulwise Shukulu Kalunga Njambi ya vakukulwila veni! Kumukahyana embwe!”

2 Mizimbu 20:17

Yeni kumukalu nzita eyi embwe. Oloni mukakale lika mu myela yeni nakuvandamena, mukamona Shukulu Kalunga mwakamihyanesa ku vitozi veni. Yeni vanu va mu Yunda na vanu va mu Yelusalema, kesi muzeye nambe kesi muzive lyova. Yeni ku nzita, Shukulu Kalunga akakala amo neni!”

2 Mizimbu 20:19

Co vaLevi vaka-cikota ca Kohate na Kola vemanene nakushangazala Shukulu Kalunga, Njambi ya Isalele nakutambeka.

2 Mizimbu 20:21

Omo mwene wakele nakwendeka na vanu, washikile vaka-kwimba vazale vikoveyo vyakujela, co vatwame kulutwe lwa nzita, nakwimba ngwavo, “Shangazaleni Shukulu Kalunga! Omwo cizemo cendi cakala ku myaka yoshe!”

Yombi 42:8

Ngecivene, ambateni vingombe va nkomba vatanu na vavali na majamba a vimanga vatanu na vavali mutwale kuli Yombi, co mukavakombelela kupwa n̄ombelo yeni vavenya. Yombi akamilombelela, co njikakumbulula lilombelo lyendi, kunjikamizivisa shwamwa ngwe mumwapandele. Yeni kumwendekele vya vushunga ali yange, ngwe mwalingile Yombi.”

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

VaLevi 14:16

co akambwitike mulavo wa livoko lyendi lya cilyo muje mu mazi, co akashamwine amo visimbu vitanu na vivali kuje ku mesho a Shukulu Kalunga.

VaLevi 4:6

Co akambwitike mulavo wendi mu maninga nakuwashamwina kulutwe lwa livamba lyakujela visimbu vitanu na vivali.

Zakaliya 4:2

Wanjihwile ngwendi, “Vikajo wamono?” Co njamukumbulwile ngwange, “Njamono citumbikilo ca ndeya ca ngolinde. Co akamwa ali lilonga lya mazi. Co a citumbikilo ca ndeya ali vindeya vitanu na vivali, co ndeya imo na imo ili na mitetango itanu na ivali.

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Kulava 23:1

Co Mbalame wendekele kuli Mbalake ngwendi, “Njitungile mitula itanu na ivali kuno, co lalo njinenele vingombe va nkomba vatanu na vavali na majamba a vimanga vatanu na vavali.”

Yoshwa 6:13

Co vaka-kukombelela vaje vambatele malupembo atanu na avali a vimbinga vya majamba a vimanga vatwamene kulutwe lwa Cikasa ca Cikumiiyo ca Shukulu Kalunga oku valinakwimba malupembo, co vaje vanalume vaile kulutwe lwavo, asinoni mbunga yakumanesela yezile munima ya Cikasa ca Cikumiiyo ca Shukulu Kalunga, oku malupembo anga alinakwimba.

Yoshwa 6:3

Yove na mashwalale vove mukazenguluka nganda lumo a litangwa na litangwa a matangwa atanu na limo.

Yoshwa 6:5

Asinoni vaka-kukombelela vakaimbe lupembo simbu yakama, co omo mukaziva kwoya kwa lupembo olu, co vanalume voshe vakatambeke manene mutambi wa nzita, co civumbe ca nganda cikalundumuka. Co lishwalale na lishwalale akakovelele mu nganda aje anashungama.”

Kujombolola 1:20

Eci cikeco kulumbunuka kwa cisin̄iko ca vingongonosi vitanu na vivali vije unamono mu livoko lyange lya cilyo, na vitumbikilo vya vindeya vya ngolinde vitanu na vivali, vingongonosi vitanu na vivali vinapu tungelo va vije vikungulukilo vitanu na vivali, co vitumbikilo vya vindeya vitanu na vivali vinapu vije vikungulukilo vitanu na vivali.”

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 10:3

co watambekele na lijwi lyakama lije lyafwile ngwe kwaana kwa vindumba. Co munima yakutambeka, vililimo vitanu na ivali vyakumbulwile nakwaana ngwe ndumba.

Kujombolola 15:1

Asinoni njamwene cimweso cikwavo mwilu, cakama cakukomokesa. Kwakele tungelo vatanu na vavali na tuyando tutanu na tuvali, tuketwo tuyando twakumanesela, omwo tuketwo tumwesa vukalu vwa Njambi vwakumanesela.

Kujombolola 15:7

Co umo wa vaje vikashama vakuyoya vawana wanene vaje tungelo vatanu na vavali malonga a ngolinde atanu na avali aje ashulile na vukalu vwa Njambi, uje wayoya ku myaka na myaka.

Kujombolola 16:1

Asinoni njazivile lijwi lyakama lyatundile mu Njuvo ya Shukulu Kalunga lyendekele kuli tungelo vatanu na vavali ngwalyo, “Yeni muketile asi aje malonga atanu na avali a vukalu vwa Njambi!”

Kujombolola 5:1

Co njamwene livulu lyakuzenga mu livoko lya cilyo lya uje watumbamene a litanda, lije livasoneka anja na mukati, co valishokele na tusateso tutanu na tuvali.

Kujombolola 5:6

Asinoni njamwene Muna Manga nemana mukati ka litanda, vaje vikashama vawana vakuyoya na vakulunu vamuzengelekele. Co Muna Manga washolokele ngwe uje ivanatsii. Wakele na vimbinga vitanu na vivali na mesho atanu na avali, evi vinapu minzinzime itanu na ivali ya Njambi ije ivatumine asi oshe.

Kujombolola 8:2

Asinoni njamwene tungelo vaje vatanu na vavali vaka-kwimana ku mesho a Njambi, co vavaanene malupembo atanu na avali.

Kujombolola 8:6

Asinoni vaje tungelo vatanu na vavali vakele na malupembo atanu na avali valivwaeselele cimweja ngeci vaimbe.