Yoshwa 6:26 - Livulu lya Shukulu Kalunga

²⁶ A simbu ije Yoshwa walisingile cisingo ngwendi, “Munu woshe uje akatungulula nganda ya Yeliko akapwe wakusinga ku mesho a Shukulu Kalunga. Woshe uje akainda luvula, munendi wa ntwatwa akatsa, co woshe uje akatungulula vikolo, munendi wa mutinikila akatsa.”

Yoshwa 6:26 Iomraidhean Croise

1 Vimyene 16:34

Omo Ahave washwanene, Hiyele wa ku Mbetele watungulwile Yeliko. Ngwe mwendekele Shukulu Kalunga ali Yoshwa muna Nune, omo Hiyele wendile luvula lwa Yeliko, co munendi wa ntwatwa Avilame watsile, co omo watungile vikolo, munendi Senguve wa mutinikila watsile.

1 Vimyene 22:16

Oloni Ahave wamukumbulwile ngwendi, “Omo wendeka kuli yange mu lizina lya Shukulu Kalunga, unapande kwendeka vushunga! Visimbu vingaijo njikakuleka ngacije?”

2 Vimyene 2:4

Asinoni Elinja wendekele kuli Elisha ngwendi, “Sala kuno, Shukulu Kalunga nanjitumu njiye ku Yeliko.” Oloni Elisha wamukumbulwile ngwendi, “Njilisinga ali Shukulu Kalunga wakuyoya na ali yove ngwange kunjikuseze embwe.” Ngecivene, vaile amo ku Yeliko.

Malakiya 1:4

Nga vatekulwila va Isau vaEndome vendeka ngwavo, “Vinganda vyetu vinapu vingundu, oloni tukavitungulula.” Co Shukulu Kalunga akakumbulula ngwendi, “Vasa kutungulula, oloni njikavisiwula lalo. Co vakavatumbula ngwavo, ‘Lifuti lya vaka-vuvi,’ na ‘Muyati wa vanu vaaluvalela Shukulu Kalunga ku myaka yoshe.’ ”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Vilinga vya Miluwa 19:13

Asinoni vaYunda vamo vakele nakwendangana nakutundisa minzizime yakujwala navo lalo vesekele kupangesa lizina lya Mwene Yesu mukulinga cuma eci. Co vendekele ku minzinzime yakujwala ngwavo, “Njikushika mu lizina lya Yesu uje yalinakwambulula Paulu.”

Yoshwa 16:7

Asinoni yashelumukile kutunda ku Njanowa nakweta ku Atalote, na Naala, co yetele ku Yeliko asinoni yahwililile ku Yondau.