Yoshwa 6:24 - Livulu lya Shukulu Kalunga

²⁴ Asinoni venyekele nganda ya Yeliko na vyoshe vije vyakelemo, kuvanga lika ngolinde, na siliva, na vivala vya vunengu, na vikuvo. Co vije vavyambatele nakuvyaka mu cipau ca Shukulu Kalunga.

Yoshwa 6:24 Iomraidhean Croise

2 Samwele 10:5

Vakele na shwamwa manene yakwiluka kwimbo. Omo Ndaviti wazivile vije vyalingiwile, co wavatuminine majwi akuvavindika ngeci vakale ku Yeliko kesi veluke noo minjezi yavo inamene lalo.

2 Vimyene 25:9

Wenyekele Njuvo ya Shukulu Kalunga na lipela na vinjuvo vyoshe vya vanu va vulemu va mu Yelusalema,

1 Mizimbu 18:11

Co Mwene Ndaviti wavukundikile kuli Shukulu Kalunga mukuvupangesa akulemesa, amo na siliva, na ngolinde ije ku miyati ije yafungulwile, miyati ya vaEndome, na vaMowavi, na vaAmoni, na vaFilisitiya, na vaAmaleke.

Kulava 31:10

venyekele vinganda vya vaMindyani vyoshe, na vilombo vyavo vyoshe.

Kwituluka mu Mashiko 13:16

Ngecivene, mukakungulwila vivala vyavo vyoshe mukati ka nganda, co mukenyeka ije nganda na vyoshe vilimo kupwa n̄ombelo kuli Shukulu Kalunga Njambi yeni. Co ije nganda ikapwe ngundu ku myaka yoshe. Naumo wai akaitungulula lalo.

Kwituluka mu Mashiko 13:17

Kesi mukambateko cuma cimo ku vije vivasompelele kunyonga, asinoni Shukulu Kalunga akatenguluka ku vukalu vwendi nakumizivila mema ku mbunge, co akamitumisa ngwe mwalisingile na vakukulwila veni,

Kwituluka mu Mashiko 20:16

“Oloni omo mukafungulula vinganda mu lifuti lije Shukulu Kalunga Njambi yeni akamyanalyo, co kesi mukasezemo cuma cimo cakuyoya.

Yoshwa 11:11

Co vatsiile nakunyongesa vanu voshe vaje vakele muje, naumo wai wasalelemo na mwonyo, co venyekele nganda.

Yoshwa 6:19

Oloni siliva yoshe, na ngolinde, na vivala vya vunengu, na vikuvo vinapu vyakukundika kuli Shukulu Kalunga. Munapande kuvyaka mu cipau ca Shukulu Kalunga.”

Yoshwa 6:25

Oloni Yoshwa wayoyeselemo lika mwonyo wa cikwizi Lahave na vavushoko vwendi voshe, omwo ikeye washwekele vaje vaka-kunenga lifuti vavali vavatumine ku Yeliko. Co naanga ya Lahave vacili nakuyoya mu Isalele na lelo lino.

Yoshwa 8:28

Ngecivene, Yoshwa wenyekele nganda ya Ayi nakuyiseza mupulungwa, na lelo lino icili ngacije vene.

Kujombolola 17:16

Vimbinga vije likumi viwamwene na cikashama, vakazinda uje cikwizi, vakevo vakambata vyuma vyoshe vije vyali navyo, co vakamuseza mushelengwa, vakalya situ yendi nakumunyongesa na tuhya.

Kujombolola 18:8

Omwo cuma eci, cihiso cendi cikaija litangwa limo, kutsa na vusiwa na njala. Co vakamwenyeka na tuhya, omwo Shukulu Kalunga Njambi, uje akamusompa, wapwa muka-nzili.”