Yoshwa 6:17 - Livulu lya Shukulu Kalunga

¹⁷ Nganda na vyuma vyoshe vilimo mukavyana kuli Shukulu Kalunga nakuvinyongesa vyoshe njwa, kuvanga lika uje cikwizi Lahave na vavushoko vwendi vali mu njuvo yendi vakevo lika vakayoyao, omwo ikeye washwekele vaka-kunenga vaje twatumine.

Yoshwa 6:17 Iomraidhean Croise

Kushangumuka 12:3

Njikavezikisa vaje vakakuvezikisa, oloni njikasinga vaje vakakusinga. Co muli yove njikavezikisilamo miyati yoshe.”

Ezela 10:8

co vendekele ngeci, nga munu umo ajeneka kwija a matangwa atatu, ngwe ku majwi a vantwama, co vakamutambula vufuko vwendi vwoshe, co kakapu lalo umo wa mu mbunga ya vaje vatundile ku vunzinda.

Isaya 34:6

Mukwale wendi ukashula na maninga na mazi avo, ngwe maninga na mazi a vana va vimanga na vimembe vakukombelela. Shukulu Kalunga akatsiya vanu vavangi nakuvapwisa n̄ombelo mu nganda ya Mbozile, na mu mitambela yeka ya mu lifuti lya Endome.

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Ezekiyele 39:17

Shukulu Kalunga wa Akamwa ya Vyoshe wendekele kuli yange ngwendi, “Muna munu, sana tuzila voshe na tusitu voshe va mu shwata vakutunda ku mitambela yoshe vakunguluke nakulya n̄ombelo eyi injavavwaesela. Cikapwa ciwano cakama a minkinda ya Isalele, ngeci vakalye situ nakunwa maninga.

VaLevi 27:21

Cooni ku Mwaka wakwija Wakuliilwisila, lije livu likapwa vufuko vwa Shukulu Kalunga ku myaka yoshe, co likapwa lya vaka-kukombelela.

Mika 4:13

Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

1 Kolinte 16:22

Woshe kazeme Mwene, cisingo cikale ali ikeye! Ija, Mwene yetu!

1 Kolinte 2:7

Mana awa njambulula anapu mana a Njambi akushweka, aje vanashwekesela vanu, oloni Njambi waangwile laja ku vumpau vwetu simbu kanda vatange kaye.

Ngalatiya 3:10

Omwo voshe vaje vanajendamena a Majwi Lishiko vali mwisi ya cisingo. Omwo visoneka vyendeka ngwavyo, “Woshe uje avyana kwononoka vyuma vyoshe vije vivanasoneka mu livulu lya Majwi a Lishiko ali mwisi ya cisingo ca Njambi!”

Ngalatiya 3:12

Oloni Majwi a Lishiko kuwasa kulinga cimo akukulaela. Oloni ngwe muvyendeka visoneka ngwavyo, “Woshe alinga vyuma vyoshe vije vishakiwa ku Majwi a Lishiko akayoya.”

Kwituluka mu Mashiko 20:17

Oloni mukavanyongesa voshe njwa! VaHiti, na vaAmoli, na vaKanana, na vaPelezi, na vaHivi, na vaNjevushi mukavanyongesa voshe, ngwe mwanamishiki Shukulu Kalunga Njambi yeni,

VaHevelu 11:31

Akukulaela, uje cikwizi Lahave kuvamutsiile amo na vaje vaka-kujeneka kwononoka Njambi, omwo ikeye watambwile mwamuvwa vaje vaka-kunenga ngwe vasamba.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

Yakomba 2:25

Capwile cuma cimolika na Lahave uje cikwizi. Vamupwisile muka-vushunga ku mesho a Njambi omwo a vilinga vyendi, akutambula mwamuvwa vaje vaIsalele vaka-kunenga nakuvakwasa ngeci vatewe valikwasese ngila ikwavo.

Yoshwa 2:1

Asinoni Yoshwa watumine vaka-kunenga vavali mu vushweke kutunda mu cilombo ca ku Mungongo ngwendi, “Yeni mukanenge lifuti lya Kanana, vunene-nene nganda ya Yeliko.” Omo vetele ku nganda, co vakovelele mu njuvo ya cikwizi umo lizina lyendi Lahave.

Yoshwa 2:22

Omo vaje vaka-kunenga vaile ku lifuti lya malundu nakukavandako, co vanu va mwene vavashakezekele mu lifuti mwoshe matangwa atatu, oloni kuvavawanene, ngecivene, velukile ku Yeliko.

Yoshwa 7:1

Oloni vanu va Isalele vavulumwine mulonga ku vyuma vyakukundika omwo Akane, muna Kalemi mutekulu wa Zavendi, wa ku cikota ca Zela ku muyati wa Yunda, wambatele ku vyuma vyakukundika, ngecivene, Shukulu Kalunga waluvalele manene na vanu va Isalele.

1 Samwele 15:3

Ngeci yeni mukalwise vaAmaleke, co mukanyongese vyuma vyoshe vije valinavyo. Kesi mukasezeo cuma cimo, oloni yeni mukatsiye vanalume voshe, na vanakazi, na vanike, na vimbututu, na vimanga, na tumelo, na vimulu.”

1 Samwele 15:6

Saulu wanangwile vaKeni, vaje vakukulwila vavo vakele na ngozi na vaIsalele omo vatundile ku Ingito ngwendi, “Teweni museze vaAmaleke, omwo kunjishaka kumitsiya amolika navo.” Ngecivene, vaKeni vatewele.