Yoshwa 5:13 - Livulu lya Shukulu Kalunga

¹³ Omo Yoshwa wakele kuyehi na Yeliko, wandwile mesho endi, co wamwene munu nemana kulutwe lwendi, nakwata mukwale mu livoko. Ngecivene, Yoshwa waile kuli ikeye nakumwihula ngwendi, “Yove unapu umo wa mashwalale vetu indi u citozi?”

Yoshwa 5:13 Iomraidhean Croise

Kushangumuka 18:1

Shukulu Kalunga washolokele kuli Avilahama kuje ku miti yakujela ya Mamele. Avilahama watumbamene ku cikolo ca mbalaka yendi omwo kwakele ntwima manene,

Kushangumuka 18:2

omo wandwile mesho endi, co wakengele, wamwene vanalume vatatu vanemana kuje. Vwasi-vwasi omo Avilahama wavamwene, washatukile nakuliwana navo, co watsikamene nakukulamena asi.

Kushangumuka 28:16

Asinoni Yakomba wakasumukile ku tulo, wendekele ngwendi, “Mwa vushunga Shukulu Kalunga ali kuno! Ikeye ali mu mutambela uno vene, oloni yange kunjazivukile!”

Kushangumuka 33:1

Omo Yakomba wamwene Isau alinakwija amo na vanu vendi 400, waangunwine vanike, vamo kuli Leya, vakwavo kuli Lakele, vakwavo kuli mashano vendi vavali va mbanja.

Kushangumuka 33:5

Omo Isau wandwile mesho endi wamwene vanakazi na vanike, co wehwile ngwendi, “Ava veya uli navo?” Yakomba wamukumbulwile ngwendi, “Mwane, ava vakevo vana vaje vananjana Njambi mu ngozi yendi.”

1 Mizimbu 12:22

A litangwa na litangwa kwakele nakukovela vanu vavaha ku vushwalale vwa Ndaviti, co vwasi-vwasi mashwalale vendi vatumine manene.

1 Mizimbu 21:27

Shukulu Kalunga walekele kangelo kushomeka mukwale wendi mu cindalo cawo, uje kangelo wononokele.

1 Mizimbu 21:30

oloni Ndaviti kasele kuya kuje mukulemesa Njambi, omwo wakele na lyova lya mukwale wa kangelo ka Shukulu Kalunga.

Kutuuka 23:23

Co kangelo kange akaya kulutwe lweni akamitwala mu lifuti lije lya vaAmoli, na vaHiti, na vaPelezi, na vaKanana, na vaHivi, na vaNjevushi, co njikavanyongesa.

Ndanyele 10:5

Njakengele, co njamwene munalume umo wazalele vuzalo vwa linyu na mwiva wa ngolinde yaivwa.

Ndanyele 8:3

co kuje vene ku ngenge ya ndonga njamwene kunemana lijamba lya manga. Ikeye wakele na vimbinga vivali vyavilaja, imo yapwile yailaja, co lalo yapwile yaiha kutuvakana mbinga ikwavo.

Zakaliya 1:8

Njamwene kangelo ka Shukulu Kalunga walondele a kavalu wakuvenga. Co wemanene mu cana akati ka miti ya mikuve, munima yendi mwakele lalo tuvalu vakwavo vakuvenga, na ava vakuvenguluka, na ava vakutoka.

Kulava 22:23

Omo cimulu wamwene kangelo ka Shukulu Kalunga nemana mu ngila nakwata mukwale mu livoko lyendi, co watundilemo nakuya mu shwata. Co Mbalame wapupile cimulu nakumwilwisila mu ngila.

Kulava 22:31

Asinoni Shukulu Kalunga watonesele mesho a Mbalame, co wamwene kangelo ka Shukulu Kalunga nemana mu ngila na mukwale wendi mu livoko. Co Mbalame wakulamesele cihanga cendi nakulyumbila asi.

Vilinga vya Miluwa 1:10

Co omo vakengele mwilu shwii omo Yesu wakele nakuya, vamo vanalume vavali vazalele vuzalo vwakutoka vemanene kuyehi navo

Yoshwa 6:2

Shukulu Kalunga wendekele kuli Yoshwa ngwendi, “Kenga, njinaaka Yeliko mu mavoko ove, na mwene wamwo, na mashwalale vamwo va nzili.

Kujombolola 1:13

co akati kavyo emanene umo uje walifwile ngwe muna munu, wazalele cikoveyo cacilaja cakweta na ku myanja yendi, na mwiva wa ngolinde unazengeleka mu nulo yendi.

Maako 13:11

Co Manowa wakatukile nakukava munakazi wendi. Co waile kuli uje munalume nakumwihula ngwendi, “Yove uje munalume wendekele kuli munakazi wange ndi?” Ikeye wamukumbulwile ngwendi, “Eyo, yange vene.”

Maako 13:22

Co Manowa wendekele kuli munakazi wendi ngwendi, “Mwa vushunga vene tutsa, omwo tunamono Njambi!”