Yoshwa 5:1 - Livulu lya Shukulu Kalunga

¹ Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

Yoshwa 5:1 Iomraidhean Croise

Kushangumuka 12:6

Avilama wendele mu lifuti lije noo wetele ku muti wa Oke wakuhwimina ku mutambela wakujela wa Shekeme. A simbu ije vaKanana anga vacikele nakuyoya mu lifuti lije.

Kushangumuka 48:22

Njilinakukwana Shekeme, mutambela uje wa vwilo, uje unjatambwile kuli vaAmoli na mukwale wange na vuta vwange vwa lusipa. Unapu wove, kesi wa vandolome vove.”

2 Samwele 21:2

(VaNgimbiyone kuvapwile vaIsalele embwe, vapwile muyati waundondo wa vaAmoli vaje vavakulaesele kuvanyunga kuli vaIsalele, oloni Saulu wavanyongesele omwo washungwiiye vanu va Isalele na Yunda.)

1 Vimyene 10:5

Co wamwene vyakulya vije vivamunenelele ku mesa yendi, na vinjuvo vya vamyata vendi, nakulivwaesa kwa vanu va mu lipela lyendi, na vuzalo vwakulifwa vuje vazalele vangamba vaje vamuvandamenene ku viwano, na vin̄ombelo vyakombelelele mu Njuvo ya Shukulu Kalunga. Co vyoshe evi vyamukomokesele manene.

Ezela 9:1

Omo vyoshe evi vinahu, vantwama vamo va vanu va Isalele vezile nakunjileka ngwavo vanu va Isalele, na vaka-kukombelela, na vaLevi kuvalyangunukile na vanu va mu mafuti a Amoni, na Mowavi, na Ingito, nambe na vaKanana, na vaHiti, na vaPelezi, na vaNjevushi, na vaAmoli. Vakele nakulinga vyuma vya vunyengwe ngwe vije vivalingile vanu vaje.

Myaso 135:11

Sihone, mwene wa vaAmoli, na Onge, mwene wa ku Mbashane, na vimyene voshe va mu Kanana.

Kutuuka 23:28

Njikaiya-yiisa vitozi vyeni, njikasheka vaHivi, na vaKanana, na vaHiti, omo mukaya kulutwe.

Isaya 41:5

“Vanu va ku mafuti a kulyala vamwene vije vinjalingile, valijajelele omo vavimwene. Co voshe valikungulwile nakwija.

Ezekiyele 16:3

Leka Yelusalema vije vyalinakwendeka nendi Shukulu Kalunga wa Akamwa ya Vyoshe ngwendi, “Yove wasemukilile mu lifuti lya Kanana. Isho wapwile kaAmoli, co vanyoko vapwile kaHiti.

Ezekiyele 21:7

Omo vakwihula ngwavo omwo vikajo ulinakukemanga, valeke ngwove omwo muzimbu uje ulinakwija. Omo muzimbu ukaija, co vimbunge vyavo vikakala na lyova, mavoko avo akazeya, vakalijujukila, co mavuli avo akajaja. Vyuma evi vikalingiwa ololo-lolo.” Mwanendeka Shukulu Kalunga wa Akamwa ya Vyoshe.

Ndanyele 5:6

co cihanga cendi cafufutukile, wazivile lyova manene, co mavuli endi ajajele.

Amose 2:9

“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke.

Kulava 13:29

VaAmaleke vakala mu mbwela ya lifuti lya Kanana, co vaHiti, na vaNjevushi, na vaAmoli vakala mu lifuti lya malundu, co vaKanana vakala ku Mema a kalunga a Menditelenyani na ku ngenge ya Ndonga ya Yondau.”

Yoshwa 17:12

Oloni vatekulwila va Manase, kuvasele kushekamo vanu vaje vakele muje mu vinganda, ngecivene, vaKanana vakele nakuyoyelamo.

Yoshwa 17:18

Mwa vushunga lifuti lya malundu likapwa lyeni vene! Nameme likelyo lyapwa shwata, co mukashinjamo miti nakulipwisa lyeni kutunda ku shongo imo nakweta ku shongo ikwavo. Nameme vaKanana vakala na matemba a vikuvo, na nzili, oloni mukavashekamo.”

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”

Yoshwa 3:16

co mema aje atundile ku cava emanene mutumbo ku mutambela umo, ku Andama, nganda ije ili kuyehi na Zalatane. Mema aje ayile ku shango ku Lishali lya Kutsa omine cau, co vanu vajavukilile kuyehi na Yeliko.

Yoshwa 3:17

Omo vanu vendele a livu lyakuma, co vaka-kukombelela, vaje vambatele Cikasa ca Cikumiiyo, vemanene lwii a livu lyakuma akati ka Ndonga ya Yondau noo vanu voshe vanajavuka.

Kujombolola 18:10

Vakashondoloka nakwimana kulyala, omwo vakaziva lyova lya tuyando twendi, co vakendeka ngwavo, “Kengeni! Naana! Kayeketu! Kayeketu! Mbambilone nganda yakama! Mu ola imolika lajoko vanakunyanyamesa!”

Maako 1:1

Munima ya kutsa kwa Yoshwa, vanu va Isalele vehwile Shukulu Kalunga ngwavo, “Muyati uka unapande kupwa wakulivanga kuya nakulwisa vaKanana?”

Maako 11:23

Ngecivene, Shukulu Kalunga, Njambi ya Isalele, ikeye washekele vaAmoli mu lifuti lyavo omwo vanu vendi vaIsalele.

Maako 3:3

Vaje vasalele mu lifuti vakevo vimyene vaje vatanu va vaFilisitiya, na vaKanana voshe, na vaSindoniya, na vaHivi, vaje vakele mu Minkinda ya Lembanone kutunda ku Munkinda wa Mbale Helemone nakweta ku Ngila ya Hamate.

Maako 4:2

Ngecivene, Shukulu Kalunga wavakundikile ku mavoko a Njavine mwene wa vaKanana, uje washwanene mu nganda ya Hazole. Muka-kushika mashwalale wapwile Sisela, uje wakele mu Haloshete ya Vaka-kujeneka Kukulaela.

1 Samwele 25:37

Ngecivene, omo vyuma vije vinahu, Navale wakele mwamuvwa omo vwala vwamutundile, co Avingaile wamulekele vyuma vyoshe. Co Navale wezukile mbunge, wapwile muka-kalepa.