Yoshwa 4:9 - Livulu lya Shukulu Kalunga

⁹ Co Yoshwa lalo walundikile mamanya likumi na avali akati ka Yondau, ku mwela uje vemanene vaka-kukombelela vaje vambatele Cikasa ca Cikumiiyo. Mamanya awa na lelo lino kuwacili kuje.

Yoshwa 4:9 Iomraidhean Croise

Kushangumuka 26:33

Co Isake walukile lije lisima ngwendi “Cisingo.” Aa akeo atunda lizina lya limbo lya Mbeleshemba.

Kushangumuka 28:18

Ngecivene, Yakomba wendukile mutondo-tondo, wanonele lije limanya lyasindamenene, walimikile kupwa canukiso. Asinoni wetilileo mazi a olive mukukundika lije limanya kuli Njambi.

2 Samwele 4:3

Vanu vatungile muje akulivanga vatewelele ku Ngitaime, kukekwo kuvakala na lelo lino.)

1 Vimyene 18:31

Ikeye wanonele mamanya likumi na avali, limo na limo kwimanena miyati ije likumi na ivali ije ivalukile mazina a vana va Yakomba, uje Shukulu Kalunga yalukile lizina lya Isalele.

2 Mizimbu 5:9

Co mikambo yapwile yailaja manene ngeci vishongo vyayo vasele kuvimona akwimana kulutwe lwa Mwela Wakujela Manene, oloni mikambo kuvasele kuyimona vaka-anja. (Co ije mikambo na lelo lino kuyicili.)

Kutuuka 24:12

Co Shukulu Kalunga wendekele kuli Mosesa ngwendi, “Lamata a munkinda wije kuno kuli yange, co simbu yove ucili kuno, njikakwana vitale vivali vije vili na mashiko na vilongesa vije vinjasonekele ngeci ukavalongesevyo.”

Kutuuka 28:21

Co ku tumamanya otu likumi na tuvali kamo na kamo talekao lizina lya umo na umo wa vana va Yakomba, mukwimanena miyati ya vaIsalele.

Mateo 27:8

Ngecivene, vatumbwile lihya lije ngwavo, “Lihya lya Maninga,” kweta na ku litangwa lyalelo.

Mateo 28:15

Ngecivene, vaje vaka-kunyunga vatambwile vije vimbongo valingile ngwe muvavashikile. Co vukaleo ovu vwatsimanene akati ka vaYunda nakweta ku litangwa lyalelo.

Kwituluka mu Mashiko 34:6

Co Shukulu Kalunga wamutsindile ku cimbongo ca Mowavi, calishungama na nganda ya Mbetepeole, oloni naumo wai wazivukile mbumbo yendi kweta ku litangwa lya lelo.

Yoshwa 24:26

Ngecivene, Yoshwa wasonekele mashiko awa mu Livulu lya Mashiko a Njambi. Asinoni wanonele limanya lyakama walitumbikile mwisi ya muti wa Oke kuyehi na mwela wakujela wa Shukulu Kalunga.

Yoshwa 4:10

Asinoni vaka-kukombelela vaje vambatele Cikasa vemanene akati ka Yondau noo vyuma vyoshe vyalingiwile, vije vyashikile Shukulu Kalunga kuli Yoshwa kuvileka vanu va Isalele ngeci vavilinge, evi vikevyo vije vyashikile Mosesa kuli Yoshwa. Co vanu vazambwile, vajavukile ndonga.

Maako 1:26

Cooni uje munalume waile ku lifuti lya vaHiti, kuje wakatungile nganda, co wailukile lizina lya Luze, na lelo lino vene likelyo lizina lyayo.

1 Samwele 30:25

Ndaviti wemikile lishiko eli, co tunde aje mu Isalele mwoshe valikavele kweta ku lelo lino.

1 Samwele 7:12

Asinoni Samwele wanonele limanya, walitumbikile mukati ka Mizipa na Shene, co wendekele ngwendi, “Shukulu Kalunga natukwasa yetu voshe mu ngila yetu.” Co walukile lije limanya ngwendi, “Limanya Lyakukwasa.”