Yoshwa 4:8 - Livulu lya Shukulu Kalunga

⁸ Ngecivene, vaje vanalume vakavele mashiko a Yoshwa, ngwe muje Shukulu Kalunga washikile Yoshwa, vambatele mamanya likumi na avali akati ka Yondau, limo na limo ngwe ku miyati ya Isalele, vaatwalele ku mutambela uje vatulilile vutsiki, co vawalundikile asi.

Yoshwa 4:8 Iomraidhean Croise

Kutuuka 12:28

Asinoni vanu va Isalele valingile vije vyashikile Shukulu Kalunga kuli Mosesa na Alone.

Kutuuka 24:4

Co Mosesa wasonekele majwi oshe a Shukulu Kalunga. Co alikaki mutondo watungile mutula kwisi ya munkinda, co wemikileo mamanya a vimanda likumi na avali, ku miyati ya Isalele likumi na ivali lalo.

Yoshwa 4:20

Asinoni Yoshwa walundikile mamanya aje likumi na avali, aje avambatele mu Yondau vaje vanalume likumi na vavali, co waemikilile ku Ngilingale.

Yoshwa 4:9

Co Yoshwa lalo walundikile mamanya likumi na avali akati ka Yondau, ku mwela uje vemanene vaka-kukombelela vaje vambatele Cikasa ca Cikumiiyo. Mamanya awa na lelo lino kuwacili kuje.