Yoshwa 4:6 - Livulu lya Shukulu Kalunga

⁶ Mamanya awa akanukisa vanu vyuma vije vyanalingi Shukulu Kalunga. Co kulutwe, omo vana veni vakamihula ngwavo, ‘Mamanya awa avikajo? Anunguluka cuma mukajo kuli yeni?’

Yoshwa 4:6 Iomraidhean Croise

Myaso 44:1

Yove Njambi, tunazivi laja na matwi etu, vakukulwila vetu vatulekele laja, vyuma vyakama vije viwalingile a simbu yavo, ku matangwa a ku san̄ulu.

Myaso 71:18

Ngecivene, nameme njinakuluvala manene na vwele vuli ku mutwe wange, yove Njambi kesi unjiseze, noo njikambulula vilinga vyove ku visemwa vyoshe vije vikaija kulutwe.

Kutuuka 12:14

Munapande kulisamba a litangwa eli omwo likapwa lya ciwano ca Kalunga mukumyanukisa a vyuma evi vinjalingile yange Kalunga. Eci cikapwa canukiso mu visemwa vyeni vyoshe vya kulutwe.”

Kutuuka 13:14

Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda.

Kutuuka 13:9

Ngecivene, kunyunga eci ciwano cikapwa canukiso, ngwe cuma cakukutiiya ku livoko lyeni nambe a luholo lweni. Cikamyanukisa ngeci mukatwaleo mukwambulula Lishiko lya Shukulu Kalunga na vilongesa vyendi, omwo Shukulu Kalunga wamitundisile mu Ingito na livoko lyendi lya nzili.

Kutuuka 31:13

kuleka vanu va Isalele ngwendi, “Nyungeni Litangwa Lyakuhwima, omwo likelyo lyapwa cimweso akati keni nange ku visemwa vyeni vyoshe vya kulutwe, mukumimwesa ngeci yange Kalunga njinamipwisa vanu vange.

Isaya 38:19

Kuvanga vaka-kuyoya lika vakevo vakushangazala, ngwe munjili nakukushangazala yange ololo. Visemi valeka vana vavo mukwafwa kulongwa kwove.

Isaya 55:13

Miti ya sipelese na cinyota ikamena mu mutambela muje mwakele mambimbo. Miti eyi ikapwa cizivukiso ca vumpau vwa Shukulu Kalunga ku myaka yoshe.”

Ezekiyele 20:12

Njavanene kunyunga Litangwa Lyakuhwima kupwa cimweso ca cikumiiyo akati ketu, mukuvanukisa ngeci yange njapwa Kalunga, muka-kuvajelesa.

Ezekiyele 20:20

Litangwa Lyakuhwima lipwe lyakujela, ngeci lipwe cimweso ca cikumiiyo cije twalikumiiye, co likamyanukisa ngeci kuma yange njapwa Kalunga Njambi yeni.’

Kulava 16:38

Co vikango vya vanu vaje vavanatsiile omwo vuvi vwavo vakavifule nakuvipasha ngeci vipwe vyakufwika a mutula omwo vavikombelele kuli Shukulu Kalunga, co vikapwa canukiso kuli vanu va Isalele.”

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Kwituluka mu Mashiko 11:19

Mukaalongesa kuli vana veni, nakuwasimutwiya kuli vakevo omo muli mu vinjuvo vyeni, nambe omo mulinakwenda mu ngila, nambe omo mulinakuhwima, nambe omo mulinakupanga.

Yoshwa 22:27

oloni ukapwa mutula wa vukaleo akati ketu neni, na akati ka visemwa vije vikaija kulutwe, ngeci tukalemese Shukulu Kalunga kulutwe lwa Mbalaka yendi yakujela na vin̄ombelo vyetu vya kwenyeka, na vin̄ombelo vyetu vya kulitombola. Ngeci kulutwe vatekulwila veni kesi vakendeke kuli vatekulwila vetu ngwavo, ‘Yeni kumwesi na vushwana muli Shukulu Kalunga!’

Yoshwa 4:21

Co wendekele kuli vanu va Isalele ngwendi, “Kulutwe, omo vana veni vakamihula ngwavo, ‘Mamanya awa anunguluka cuma mukajo kuli yeni?’

Yoshwa 4:5

wavalekele ngwendi, “Koveleni mu Yondau kulutwe lwa Cikasa ca Cikumiiyo ca Shukulu Kalunga Njambi yeni, munu na munu ambate limanya limo a citsili cendi, kwimanena muyati umo na umo wa Isalele.