Yoshwa 4:24 - Livulu lya Shukulu Kalunga

²⁴ walingile eci ngeci vanu voshe va ano asi vakazivuke muvwapwa vukama na nzili ya Shukulu Kalunga, co mukasingimika Shukulu Kalunga Njambi yeni ku myaka yoshe.”

Yoshwa 4:24 Iomraidhean Croise

1 Vimyene 8:40

Ngecivene, vanu vove vakwononoke simbu yoshe ivakakala mu lifuti lije liwaanene kuli vakukulwila vetu.

1 Vimyene 8:60

Ngecivene, miyati yoshe ya mu kaye vakazivuke ngeci Shukulu Kalunga ikeye lika wapwa Njambi, kukwesi weka lalo embwe.

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

2 Vimyene 5:15

Co welukilile kuli Elisha amo na vanu vendi voshe wendekele ngwendi, “Ololo njazivuka ngwange mu kaye mwoshe kumwesi Njambi kuvanga lika Njambi ya Isalele, ngeci mwane, tambula vwana vwange ngamba yove.”

1 Mizimbu 29:12

Vufuko vwoshe na kasingimiko vyatunda kuli yove, washwana vyuma vyoshe na nzili yove na vukama vwove, co yove wasa kupwisa munu woshe kupwa wakama na nzili.

Yombi 40:9

Kuma yove uli na nzili ngwe yange ndi? Kuma lijwi lyove lyasa kukala na cililimo cakama ngwe lyange ndi?

Myaso 106:8

Nameme ngoco Shukulu Kalunga wavamenene, ngwe muje muwavakulaesele, ngeci uvamwese nzili yove yakama.

Myaso 89:13

Yove u muka-nzili yakukomokesa! Nzili yove yapwa yakama!

Myaso 89:7

Yove wapwa wakujujwisa mu munga ya vaka-kujela, co vukama vwove vwapwa vwakukomokesa kuli voshe vaje vali mwilu.

Kutuuka 14:31

Omo vaIsalele vamwene nzili yakama ya Shukulu Kalunga yahyanene nayo vaka-Ingito, vakomokele Shukulu Kalunga nakukulaela kuli ikeye nakukulaela lalo muli ngamba yendi Mosesa.

Kutuuka 15:16

Lyova lyakama na munjunju vyawililile ali vakevo omwo vanamono nzili yove, Yove Shukulu Kalunga, co vakevo vemanene na lyova noo vanu vove vetile, vanu vove vaje vaunafuku.

Kutuuka 20:20

Co Mosesa wavakumbulwile ngwendi, “Kesi muzive lyova, Njambi naija lika nakumilingisa ngeci mutwaleleo kumukomoka kesi mukalinge vuvi.”

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 52:10

Shukulu Kalunga akapangesa nzili yendi yakama mukwamena vanu vendi, co vaka-kaye voshe vakamona kwamena kwa Njambi yetu.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Kwituluka mu Mashiko 28:10

Co vaka-mafuti oshe a ano asi vakamona ngeci Shukulu Kalunga wamyangwile kupwa vanu vendi, co vakamizivila lyova.

Kwituluka mu Mashiko 6:2

Ngeci mukasingimike Shukulu Kalunga Njambi yeni, yeni na vana veni, na vatekulwila veni nakwononoka mashiko endi oshe awa njilinakumishikawo, ngeci mukayoye simbu yakama mu lifuti lije mulinakuya.

1 Samwele 17:46

Ku litangwa lya lelo vene, Shukulu Kalunga akakukundika mu livoko lyange, co njikakutsiya nakutapa mutwe wove, njikana mivila ya mashwalale va vaFilisitiya ku tuzila na ku tusitu. Co lifuti lyoshe likazivuka ngeci Njambi ali mu Isalele,