Yoshwa 4:19 - Livulu lya Shukulu Kalunga

¹⁹ A litangwa lyamulikumi ku ngonde yakulivanga vanu va Isalele vajavukile Ndonga ya Yondau, co vatungile cilombo cavo ku Ngilingale, mu ngangela ya Yeliko.

Yoshwa 4:19 Iomraidhean Croise

2 Vimyene 2:1

Simbu yetele ngeci Shukulu Kalunga atwale Elinja mwilu mu kakundu-kundu. Elinja na Elisha vatundile ku Ngilingale,

Amose 4:4

Shukulu Kalunga wa Akamwa ya Vyoshe alinakwendeka ngwendi, “Yeni vanu va Isalele, nga mushaka yeni ku mwela wakujela ku Mbetele mukalingileko vuvi! Nga mwasa yeni ku Ngilingale mukalingileko vuvi! Co neneni vin̄ombelo vyeni mutondo na mutondo, neneni cavulikumi ceni a litangwa lyoshe lyamucitatu.

Amose 5:5

Kesi muye ku Mbeleshemba nakukalemeselako. Kesi mukanjitondele ku Mbetele, omwo Mbetele ikapwa cuma cangoco. Kesi mukaye ku Ngilingale omwo vanu vendi vakaya ku vunzinda.”

Mika 6:5

Vanu vange, anukeni vije vyayongwele kulinga Mwene Mbalake wa Mowavi kuli yeni, na muje mwamukumbulwile Mbalame muna Mbeole. Anukeni vyuma vije vyalingiwile a ngila mukutunda ku cilombo ca Shitime nakweta ku Ngilingale. Anukeni vyuma vije, co mukananguka vije vinjalingile mukumyamena.”

Kwituluka mu Mashiko 1:3

A litangwa lyakulivanga ku ngonde yamulikumi na imo mu mwaka wamumakumi awana omo vanu va Isalele vanatundu laja mu Ingito, Mosesa wavalekele vyoshe vije vyamushikile Shukulu Kalunga kuvalekavyo.

Kwituluka mu Mashiko 11:30

Eyi minkinda ivali yakala mu kangombe ka yambi ku Ndonga ya Yondau mu lifuti lya vaKanana vaje vakala mu Cana ca Yondau. Minkinda eyi ivali yakala kuyehi na miti yakujela ya ku Mole yalishungama na Ngilingale.

Yoshwa 10:43

Munima yevi, Yoshwa na mashwalale vendi velukile ku cilombo ca ku Ngilingale.

Yoshwa 10:6

Co vanalume va ku Ngimbiyone vatumine lijwi kuli Yoshwa ku cilombo ca ku Ngilingale ngwavo, “Shukulu, kesi utukengese nima yetu vangamba vove embwe! Zambulako wakutukwase! Twamene! Vimyene voshe va vaAmoli vanalikumbasana amo nakutulwisa!”

Yoshwa 15:7

co nginga yalamatele kutunda ku Cana ca Tuyando nakuya ku Ndembile, asinoni yazengulukile ku kunto ku Ngilingale, kushungama na vulamatelo vwa Ngila ya Andumime ku mutambela wa cana ca mu mbwela. Co nginga yetile ku masima a tuvwelu-vwelu a ku Eneshemeshe, co yaile lalo ku Enelongele,

Yoshwa 24:11

Mwajavukile Ndonga ya Yondau nakweta ku Yeliko. Co vanu va ku Yeliko vamilwisile, ngwe muje muvalingile vaAmoli, na vaPelezi, na vaKanana, na vaHiti, na vaNgilengashi, na vaHivi, na vaNjevushi. Oloni voshe mwavafungulwile

Yoshwa 4:18

Omo vaka-kukombelela vaje vambatele Cikasa ca Cikumiiyo vanajavuka laja, ndonga yashangumukile kwita mema, yajalelele ku ngenge kwoshe ngwe muje mwalaja.

Yoshwa 5:10

Simbu vaIsalele vacikele mu cilombo cavo mu Ngilingale mu vyana vya Yeliko, vanyungile Ciwano ca Pasovala ku cingwezi ku litangwa lyamulikumi na awana ku ngonde.

Yoshwa 5:9

Asinoni Shukulu Kalunga wendekele kuli Yoshwa ngwendi, “Ku litangwa lya lelo njamitundisa shwamwa ya vunzinda vwa mu Ingito.” Ngecivene, vatumbwile mutambela uje ngwavo Ngilingale, na lelo lizina eli kulili.

Yoshwa 9:6

Ngecivene, vaile kuli Yoshwa ku cilombo ku Ngilingale vendekele kuli ikeye na kuli vanalume va vaIsalele ngwavo, “Yetu tutunda ku lifuti lya kulyala. Tushaka tulikumiiye cikumiiyo neni.”

1 Samwele 10:8

Ukatwama kulutwe ku Ngilingale, co njikaliwana nove nakukombelela vin̄ombelo vya kwenyeka, na vin̄ombelo vya kulitombola. Co ukanjivandamena kuje matangwa atanu na avali noo njikaija nakukuleka vika viwukalinga.”

1 Samwele 15:33

Samwele wendekele ngwendi, “Ngwe omo mukwale wove unalingisa vanakazi kujeneka kukala na vana, ngeci na vanyoko lalo kuvakakala na mwana.” Co wavatozwele Angange vipuka-vipuka kulutwe lwa mutula mu Ngilingale.