Yoshwa 4:12 - Livulu lya Shukulu Kalunga

¹² Ngecivene, vanalume va ku miyati ya Luvena, na Ngande, na litambelo lya muyati wa Manase, vaje valipakatele vitwa, vakevo valivangele kujavuka kulutwe lwa vanu va Isalele, ngwe muje mwavashikile Mosesa.

Yoshwa 4:12 Iomraidhean Croise

Kutuuka 13:18

Ngecivene, Njambi wavendesele mu ngila yakulizenga yakwita mu mambo ku Lishali lyakuvenga. Co vaIsalele voshe vambatele vitwa vya nzita.

Kulava 1:24

Ku cikota ca Ngande, vanalume voshe vaje vakele na myaka makumi avali nambe kutuvakana, vaje vasele kuya ku nzita, vavalavele a mazina avo, ngwe ku cikota cavo na ku naanga yavo.

Kulava 32:17

Asinoni tukalivwaesa nakuya na vakwetu vaIsalele ku nzita nakutwamenena nzita noo tukavetesa mu lifuti lyavo. Co a simbu ino, vana vetu vakakala kuno mu membo a vimpaka, kutewa vanu va lifuti lino.

Kwituluka mu Mashiko 3:18

“Co a simbu ije vene, njavanene mashiko awa ngwange, ‘Shukulu Kalunga Njambi yetu namyana lifuti eli lya mu ngangela ku Ndonga ya Yondau ngeci lipwe lyeni. Ololo vanalume voshe vaje vasa kuya ku nzita vajavuke Ndonga ya Yondau, vaye kulutwe ku miyati ya vavushoko vweni vaIsalele, mukavakwase kutambula lifuti lyavo ngeci vakakalemo.

Kwituluka mu Mashiko 33:21

Valyangwilile vakevo vavenya lifuti lyalivwa manene, vavaanene litambelo lya vuntwama. Vononokele vilongesa vya Shukulu Kalunga na mashiko endi, omo vakungulwile vantwama va Isalele amolika.”

Yoshwa 1:14

Vanakazi veni, na vana veni, na vimuna veni vakasala muno mu lifuti lije lyamyanene Mosesa, musambwa lino mu ngangela ya Yondau. Oloni mashwalale veni vakajavuka musambwa kulutwe lwa vavushoko vweni vaIsalele ngeci mukavakwase

Yoshwa 4:11

Co capwile ngeci omo voshe vanajavuka laja, asinoni vaka-kukombelela vaje vambatele Cikasa ca Cikumiiyo ca Shukulu Kalunga vatwamene kulutwe.

Yoshwa 4:13

Co kwajavukile vanalume 40,000 vaje valipakatele vitwa vya nzita, vajavukile ku mesho a Shukulu Kalunga ngeci vakalwe nzita, vaketele ku vyana vya Yeliko.