Yoshwa 3:8 - Livulu lya Shukulu Kalunga

⁸ Leka vaka-kukombelela ava vanambata Cikasa ca Cikumiiyo ngwove omo veta ku ngenge ya ndonga, vanapande kwimana ku ngenge ya ndonga mu mema.”

Yoshwa 3:8 Iomraidhean Croise

2 Vimyene 2:6

Co lalo Elinja wendekele kuli Elisha ngwendi, “Sala kuno, Shukulu Kalunga nanjitumu njiye ku Ndonga ya Yondau.” Oloni Elisha wamukumbulwile ngwendi, “Njilisinga ali Shukulu Kalunga wakuyoya na ali yove ngwange kunjikuseze embwe.” Ngecivene, vaile amo ku Ndonga ya Yondau,

2 Mizimbu 29:15

Vanalume ava vakungulwile vavushoko vwavo vaLevi, co voshe valijelesele. Asinoni, ngwe mwavashikile mwene, vashangumukile kujelesa Njuvo ya Shukulu Kalunga ngwe ku lishiko lya Shukulu Kalunga.

2 Mizimbu 29:27

Hezekiya washikile kukombelela n̄ombelo ya kwenyeka a mutula, omo vashangumukile kukombelela n̄ombelo ya kwenyeka, co vanu vembile myaso yakushangazala Shukulu Kalunga, co vaka-kwimba vashangumukile kwimba malupembo na visanzi, na vyuma vyeka vyakwimbisa.

2 Mizimbu 29:30

Co mwene na vantwama valekele vaLevi kwimbila Shukulu Kalunga myaso yakumushangazala ije yasonekele Ndaviti na Asafe muka-kwimanena. Ngecivene, munu na munu wembile nakujolela manene omo vatsikamene a mavuli nakulemesa Njambi.

2 Mizimbu 30:12

Cizango ca Njambi lalo cakele mu Yunda, co Njambi wavanene mbunge imo ngeci vononoke kukava mashiko a mwene na vamyata vendi.

Nehemiya 13:22

Njashikile vaLevi ngeci valijelese, na kuya mukunyunga ku vikolo, nakumona ngeci Litangwa Lyakuhwima linapu lyakujela. Njanuke Yove Njambi, a eci lalo, njiteteleko omwo cizemo cove cakama manene.

Nehemiya 13:28

Umo wa vana va Njoyanda muna Elyashimbe Muka-kukombelela Wakama, wambatele muna Sanevalate, wa ku limbo lya Mbete Holone, ngecivene, njamushekele mu Yelusalema.

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Mbimbi 3:26

ngecivene, cinapu cacivwa kuli yetu kumuvandamena nakusimpa ngeci atwamene.

Yoshwa 3:17

Omo vanu vendele a livu lyakuma, co vaka-kukombelela, vaje vambatele Cikasa ca Cikumiiyo, vemanene lwii a livu lyakuma akati ka Ndonga ya Yondau noo vanu voshe vanajavuka.

Yoshwa 3:3

valekele vanu ngwavo, “Omo mukamona vaLevi vaka-kukombelela vanambata Cikasa ca Cikumiiyo ca Shukulu Kalunga Njambi yeni, co mukakatuka nakutunda mu mwela uno ngeci muvakave.

Yoshwa 3:7

Asinoni Shukulu Kalunga wendekele kuli Yoshwa ngwendi, “Ku litangwa lya lelo njikakupwisa uwakama ku mesho a vanu voshe va Isalele ngeci vazivuke ngwavo ngwe muje munjakele na Mosesa mukemwo lalo munjikakala nove.

Yoshwa 3:9

Asinoni Yoshwa wendekele kuli vanu va Isalele ngwendi, “Ijeni kuno mutolilile evi vyendeka Shukulu Kalunga Njambi yeni.

Yoshwa 4:11

Co capwile ngeci omo voshe vanajavuka laja, asinoni vaka-kukombelela vaje vambatele Cikasa ca Cikumiiyo ca Shukulu Kalunga vatwamene kulutwe.