Yoshwa 3:7 - Livulu lya Shukulu Kalunga

⁷ Asinoni Shukulu Kalunga wendekele kuli Yoshwa ngwendi, “Ku litangwa lya lelo njikakupwisa uwakama ku mesho a vanu voshe va Isalele ngeci vazivuke ngwavo ngwe muje munjakele na Mosesa mukemwo lalo munjikakala nove.

Yoshwa 3:7 Iomraidhean Croise

1 Mizimbu 29:25

Co Shukulu Kalunga waamesele manene Solomoni ku mesho a vaIsalele voshe, wamwanene vumpau vwa vumwene kuhyana vimyene vakwavo vaje vashwanene mu Isalele.

2 Mizimbu 1:1

Solomoni muna Mwene Ndaviti, wakolesele vumwene vwa Isalele, co Shukulu Kalunga Njambi yendi wamuvezikisile nakumwamesa manene.

Yombi 7:17

“Omwo vikajo munu wapwa wa vulemu kuli yove? Omwo vikajo ulinakumwena vije vyalinakulinga?

Myaso 18:35

Njinyunge nakunjamena yove Shukulu Kalunga, kunyunga kwove kunanjitsimanesa, na nzili yove inanjinyungu mwamuvwa.

Yowano 17:1

Omo Yesu wamanesele kwendeka vyuma evi, wandwile mesho endi kwilu wendekele ngwendi, “Tate, simbu inete. Ana vumpau kuli Munove, ngeci Munove aane vumpau kuli yove.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

Yoshwa 1:17

Muje mutwononokele kuli Mosesa mu vyuma vyoshe, mukemwo vene mutukononoka kuli yove. Oloni cuma lika cimo, Shukulu Kalunga Njambi yove akale amo nove ngwe mwakele amo na Mosesa!

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 3:6

Asinoni Yoshwa walekele vaka-kukombelela ngwendi, “Ambateni Cikasa ca Cikumiiyo mutwame kulutwe lwa vanu.” Co valingile ngwe muje mwavalekele.

Yoshwa 3:8

Leka vaka-kukombelela ava vanambata Cikasa ca Cikumiiyo ngwove omo veta ku ngenge ya ndonga, vanapande kwimana ku ngenge ya ndonga mu mema.”

Yoshwa 4:14

A litangwa lije Shukulu Kalunga waamesele Yoshwa ku mesho a vanu va Isalele, co vamuzivilile lyova nakumusingimika matangwa oshe akuyoya kwendi, ngwe muje muvasingimikile Mosesa.