Yoshwa 3:3 - Livulu lya Shukulu Kalunga

³ valekele vanu ngwavo, “Omo mukamona vaLevi vaka-kukombelela vanambata Cikasa ca Cikumiiyo ca Shukulu Kalunga Njambi yeni, co mukakatuka nakutunda mu mwela uno ngeci muvakave.

Yoshwa 3:3 Iomraidhean Croise

2 Samwele 6:13

Omo vanu vaje vambatele Cikasa ca Cikumiiyo vendele manambo atanu na limo, Ndaviti wavalekele ngeci vemane akombelele kuli Shukulu Kalunga n̄ombelo ya ngombe na muna ngombe wakununa.

2 Samwele 6:3

Vacitundisile ku njuvo ya Avinandave yakele a lilundu, vacakele a litemba lyaliha. Co Uza, na Ahiyo, vana va Avinandave vakele nakwendesa lije litemba,

1 Vimyene 8:3

Omo vantwama voshe vanakunguluka, co vaka-kukombelela vakakwile Cikasa ca Cikumiiyo,

Njelemiya 33:18

co lalo simbu yoshe kukakala vaka-kukombelela va ku muyati wa Levi vaje vakanjipangela, nakukombelela vin̄ombelo vya kwenyeka, na vin̄ombelo vya vimbuto vya vinona.”

Kulava 10:33

Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo.

Kulava 4:15

Omo simbu yeta yakujaluka mu cilombo, co Alone na vana vendi vakafwike vivala vyoshe vyakujela vya mu Mbalaka. Asinoni vaka-cikota ca Kohate vakaija nakuvyambata, oloni kesi vakakwate ku vivala vyakujela kutewa vakatsa. Evi vikevyo vitele vivakambata vaka-cikota ca Kohate vya mu Mbalaka Mwakuliwanena.

Mateo 16:24

Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye.

Mateo 8:19

Co mulongisi wa majwi a Lishiko wezile kuli ikeye nakwendeka nendi ngwendi, “Mulongisi, njikakukava kwoshe kuuya.”

Kwituluka mu Mashiko 31:25

Omo Mosesa wamanesele, co walekele vaLevi vaka-kukombelela, vaje vakele na moko yakwambata Cikasa ca Cikumiiyo ca Shukulu Kalunga ngwendi,

Kwituluka mu Mashiko 31:9

Ngecivene, Mosesa wasonekele mashiko a Njambi nakuwaana kuli vaLevi vaka-kukombelela, vaje vakele na moko yakwambata Cikasa ca Cikumiiyo ca Shukulu Kalunga, na kuli vakulunu voshe va Isalele.

Yoshwa 3:4

Vakamimwesa ngila imukaya omo kanda mucikalemo muno. Oloni kesi mushwenye kuyehi na Cikasa ca Cikumiiyo, mukashondoloka nakuseza lyaana lyakama munima yaco.”

Yoshwa 3:6

Asinoni Yoshwa walekele vaka-kukombelela ngwendi, “Ambateni Cikasa ca Cikumiiyo mutwame kulutwe lwa vanu.” Co valingile ngwe muje mwavalekele.

Yoshwa 3:8

Leka vaka-kukombelela ava vanambata Cikasa ca Cikumiiyo ngwove omo veta ku ngenge ya ndonga, vanapande kwimana ku ngenge ya ndonga mu mema.”

Yoshwa 4:10

Asinoni vaka-kukombelela vaje vambatele Cikasa vemanene akati ka Yondau noo vyuma vyoshe vyalingiwile, vije vyashikile Shukulu Kalunga kuli Yoshwa kuvileka vanu va Isalele ngeci vavilinge, evi vikevyo vije vyashikile Mosesa kuli Yoshwa. Co vanu vazambwile, vajavukile ndonga.

Yoshwa 6:6

Ngecivene, Yoshwa muna Nune wasanene vaka-kukombelela, wavalekele ngwendi, “Ambateni Cikasa ca Cikumiiyo, co vaka-kukombelela vamo vatanu na vavali vambate malupembo atanu na avali vatwame kulutwe lwa Cikasa ca Cikumiiyo.”

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.

1 Samwele 6:15

Co vaLevi vakakwile Cikasa ca Cikumiiyo ca Shukulu Kalunga, na cikasa ca tumponya twa ngolinde tuje twakelemo, vavyakele a limanya lyakama. Asinoni vanu va ku Mbete Shemeshe vakombelelele vin̄ombelo vya kwenyeka, na vin̄ombelo vikwavo kuli Shukulu Kalunga.