Yoshwa 3:17 - Livulu lya Shukulu Kalunga

¹⁷ Omo vanu vendele a livu lyakuma, co vaka-kukombelela, vaje vambatele Cikasa ca Cikumiiyo, vemanene lwii a livu lyakuma akati ka Ndonga ya Yondau noo vanu voshe vanajavuka.

Yoshwa 3:17 Iomraidhean Croise

2 Vimyene 2:8

Co Elinja washulwile cikoveyo cendi, wacizengele, wacipupile a mema, co mema alyangunukile akati, co nendi na Elisha vajavukilile musambwa a livu lyakuma.

Myaso 66:6

Watepesele mema a kalunga, co vakukulwila vetu vajavukile ndonga na mendi. Co twajolelele omwo a vije vyalingile.

Kutuuka 14:21

Mosesa wolwele livoko lyendi akamwa ya mema a kalunga, co Shukulu Kalunga wahuwisile lihunzi lyakama lyatundile mu ngangela. Lihunzi lyahuhwile vutsiki vwoshe, co mema a kalunga omine cau. Co mema alyangunukile,

Kutuuka 14:22

ngecivene, vaIsalele vajavukile a mema a kalunga nakwenda a livu lyakuma. Mema emanene noku-noku ngwe vivumbe, ngeci vanu vendele mukati ka vivumbe vya mema.

Kutuuka 14:29

Oloni vaIsalele vendele a livu lyakuma cau, co vendele mukati ka vivumbe vya mema noku-noku.

Isaya 25:8

Shukulu Kalunga wa Akamwa ya Vyoshe akanyongesa nzili ya kutsa nakusikumuna misozi ku mesho a munu na munu, co vanu vendi kuvakazivi shwamwa kwoshe-ikwoshe muno mu kaye mwoshe. Shukulu Kalunga vavenya nendekamo.

Kulava 33:51

“Leka vanu va Isalele ngwove, omo mukajavuka Yondau nakukovela mu lifuti lya Kanana,

VaHevelu 11:29

Akukulaela, vanu va Isalele kwavasesele kujavuka Lishali Lyakuvenga ngwe a nunda yangoco, omo vaka-Ingito vesekele kucilinga, co voshe vanyongele.

Yoshwa 4:1

Omo mbunga yoshe vanajavuka Yondau, co Shukulu Kalunga wendekele kuli Yoshwa ngwendi,

Yoshwa 4:10

Asinoni vaka-kukombelela vaje vambatele Cikasa vemanene akati ka Yondau noo vyuma vyoshe vyalingiwile, vije vyashikile Shukulu Kalunga kuli Yoshwa kuvileka vanu va Isalele ngeci vavilinge, evi vikevyo vije vyashikile Mosesa kuli Yoshwa. Co vanu vazambwile, vajavukile ndonga.

Yoshwa 4:11

Co capwile ngeci omo voshe vanajavuka laja, asinoni vaka-kukombelela vaje vambatele Cikasa ca Cikumiiyo ca Shukulu Kalunga vatwamene kulutwe.

Yoshwa 4:22

Co mukavaleka ngweni, ‘VaIsalele vajavukile Ndonga ya Yondau a livu lyakuma.’

Yoshwa 4:3

Valeke vanone mamanya likumi na avali mukati ka Ndonga ya Yondau, ku mutambela uje vemanene vaka-kukombelela. Valeke vambate awa mamanya vakawalundike asi kuje kumukatungila cilombo ceni ku vutsiki vwa lelo.”

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.