Yoshwa 3:16 - Livulu lya Shukulu Kalunga

¹⁶ co mema aje atundile ku cava emanene mutumbo ku mutambela umo, ku Andama, nganda ije ili kuyehi na Zalatane. Mema aje ayile ku shango ku Lishali lya Kutsa omine cau, co vanu vajavukilile kuyehi na Yeliko.

Yoshwa 3:16 Iomraidhean Croise

Kushangumuka 14:3

Ava vimyene vatanu valizivasanene kulinga vimunga vya nzita mu Cimbongo ca Sindime, eci vatumbula ololo ngwavo Mema a Kalunga a Kutsa.

1 Vimyene 4:12

Mbana muna Ahilunde, ku vinganda vya Taanake, na Mengindo, na lifuti lyoshe lya kuyehi na Mbete Sheane, kuyehi na limbo lya Zaletane, mu mbwela ya limbo lya Njezelele, noo kweta ku nganda ya Avele Mehola na nganda ya Njokemeame.

1 Vimyene 7:46

Vyoshe vije Mwene Solomoni wavifulilile mu cana ca Yondau mukemwo mwaviyengunwine mu livu lya vuma mukati ka Sukote na Zaletane.

Myaso 114:3

Co Njambi walisholwele kuje ku mema a kalunga, co mema a kalunga omine cau, Ndonga ya Yondau yalikelele kwitisa mema.

Myaso 114:5

Yove mema a kalunga, vikajo watewelele? Nove Yondau, vikajo walikelele kwitisa mema?

Myaso 29:10

Shukulu Kalunga ashwana akamwa ya mema akulova, ikeye ashwana ngwe mwene ku myaka yoshe.

Myaso 33:7

Ikeye wakungulwile mema kumolika, co washokele vinzinga vya mema mu mutambela umolika.

Myaso 66:6

Watepesele mema a kalunga, co vakukulwila vetu vajavukile ndonga na mendi. Co twajolelele omwo a vije vyalingile.

Myaso 74:15

Yove watuwisile mema a tuvwelu-vwelu na vana va vindonga, co womisile mema mu vindonga vyakama.

Myaso 77:19

Wendele a mankimba, wajavukile mema a kalunga, oloni myanja yove kuyasholokele.

Myaso 78:13

Ikeye waangunwine mema a kalunga nakuvetisamo, wemikile mema ngwe vivumbe.

Kutuuka 14:21

Mosesa wolwele livoko lyendi akamwa ya mema a kalunga, co Shukulu Kalunga wahuwisile lihunzi lyakama lyatundile mu ngangela. Lihunzi lyahuhwile vutsiki vwoshe, co mema a kalunga omine cau. Co mema alyangunukile,

Kutuuka 14:22

ngecivene, vaIsalele vajavukile a mema a kalunga nakwenda a livu lyakuma. Mema emanene noku-noku ngwe vivumbe, ngeci vanu vendele mukati ka vivumbe vya mema.

Kutuuka 14:29

Oloni vaIsalele vendele a livu lyakuma cau, co vendele mukati ka vivumbe vya mema noku-noku.

Kutuuka 15:8

Wahwiminine a mema a kalunga, co mema a kalunga alikungwiiye amo kupwa mutumbo waulaja, wemanene lwii ngwe civumbe, co nzinga ya mema a kalunga yemukile ngwe mavele akukonda.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Ezekiyele 47:8

Co wendekele kuli yange ngwendi, “Awa mema alinakwita mukati ka lifuti kuya mu ngangela na ku Cimbongo ca Yondau nakweta ku Lishali lya Kutsa. Omo eta mu Lishali lya Kutsa, co atengulula mema a mwongwa a muje mu mema a kalunga kupwa mema amavwa.

Nahumi 1:4

Ashika mema a kalunga, co auma cau! Alingisa vindonga ngeci viwume cau. Na vulilo vwa Mbashane vuuma cau, Munkinda wa Kalemele uvenguluka, na vishani vya Munkinda wa Lembanone vijujwama.

Hambakuke 3:8

Yove Shukulu Kalunga, kuma vindonga vikevyo vyakuluvalesele ndi? Indi mema a kalunga akewo akuzivisile litoto? Yove wendelele a mashelwa, co linkimba lya lishelwa likelyo lyapwile litemba lyove, omo walingisile vanu vove ngeci vafungulule vitozi vavo.

Kulava 34:3

Nginga ya mu mbwela ikashangumukila mu mambo ya Zine, iketa kumukulo wa nginga ya Endome. Co ikashangumukila mu ngangela ku mutambela wa mu mbwela ku shongo ya Lishali lya Mwongwa.

Kwituluka mu Mashiko 1:1

Awa akewo majwi aje endekele Mosesa kuli vanu va Isalele omo vakele mu mambo mu ngangela ya Ndonga ya Yondau. Vakele mu vyana vya Yondau kuyehi na Sufe, akati ka nganda ya Palane na Tofele, na Lambani, na Hazelote, na Ndizahambe.

Kwituluka mu Mashiko 3:17

Co mu kangombe ka yambi lifuti lyavo lyetele na ku Ndonga ya Yondau, kushangumuka ku kunto ya Lishali lya Ngalileya nakweta mu mbwela ya Lishali lya Mwongwa nakweta mwisi ya Munkinda wa Pisenga mu ngangela.

Yoshwa 12:3

na Cana ca Yondau kutunda ku Lishali lya Ngalileya mu ngangela ya Mbete Njeshimote ku mbwela ya Lishali Lya Kutsa, co nginga yaile na ku vushelumukilo vwa Munkinda wa Pisenga.

Yoshwa 15:2

Nginga yavo ya ku mbwela yatundile ku shongo ya Mema a Kalunga a Kutsa,

Yoshwa 16:7

Asinoni yashelumukile kutunda ku Njanowa nakweta ku Atalote, na Naala, co yetele ku Yeliko asinoni yahwililile ku Yondau.

Yoshwa 3:13

Omo vaka-kukombelela vaje vanambata Cikasa ca Cikumiiyo ca Shukulu Kalunga wa ano asi oshe, vakalyata mendi avo mu mema, co mema a mu Yondau akemana, mema aje atunda ku cava akemana mutumbo ku mutambela umo.”

Yoshwa 4:22

Co mukavaleka ngweni, ‘VaIsalele vajavukile Ndonga ya Yondau a livu lyakuma.’

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

Maako 7:22

Omo vanu va Ngilyone vakele nakwimba malupembo avo, co Shukulu Kalunga walingisile vitozi va nzita kulilwisa vakevo vavenya na mikwale yavo. Co vatewelele ku Zaletane kweta na ku Mbete Shita, na ku nginga ya Avele Mehola kuyehi na Tavate.