Yoshwa 3:10 - Livulu lya Shukulu Kalunga

¹⁰ Co mukazivuka ngeci Njambi wakuyoya ali akati keni ngwe omo mulinakuya kulutwe, mwa vushunga vene ikeye akasheka vaKanana, na vaHiti, na vaHivi, na vaPelezi, na vaNgilengashi, na vaAmoli, na vaNjevushi.

Yoshwa 3:10 Iomraidhean Croise

Kushangumuka 15:21

na vaAmoli, na vaKanana, na vaNgilengashi, na vaNjevushi.”

1 Vimyene 22:28

Co Mikaya watambekeleleko ngwendi, “Nga yove wiluka mwamuvwa, co Shukulu Kalunga kendekele muli yange embwe!” Co lalo wendekele ngwendi, “Tolilileni kesi mwivale evi njinendeka!”

2 Vimyene 19:4

Mwene wa vaAsilya natumu Lambashake mwata wendi wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

1 Mizimbu 1:14

Kanana wapwile lalo kukulwila wa vaNjevushi, na vaAmoli, na vaNgilengashi,

Myaso 42:2

Njishungwiya Njambi, ngwe ciyambi ashungwiya mema, simbu mukajo njikamona cihanga ca Njambi?

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Kutuuka 17:7

Mwela uje vautumbwile Masa na Meliva, omwo vaIsalele valinyengele nakweseka Shukulu Kalunga omo vehwile ngwavo, “Kuma Shukulu Kalunga ali netu ndi?”

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kutuuka 33:2

Njikatuma kangelo wakumitwamenena, co njikasheka vaKanana, na vaAmoli, na vaHiti, na vaPelezi, na vaHivi, na vaNjevushi.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Kulava 13:29

VaAmaleke vakala mu mbwela ya lifuti lya Kanana, co vaHiti, na vaNjevushi, na vaAmoli vakala mu lifuti lya malundu, co vaKanana vakala ku Mema a kalunga a Menditelenyani na ku ngenge ya Ndonga ya Yondau.”

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

Kwituluka mu Mashiko 7:1

“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi.

Kwituluka mu Mashiko 7:21

Ngecivene, kesi mukavazivile lyova omwo Shukulu Kalunga Njambi yeni, ou ali akati keni ikeye Njambi Muka-nzili, wakujujwisa.

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

VaHevelu 10:31

Cinapu cuma cakujajesa kuwila mu mavoko a Njambi wakuyoya!

Yoshwa 11:3

Co watumine lalo lijwi kuli vaKanana vaje vakele mu ngangela na mu kangombe ka yambi ya Yondau, na kuli vaAmoli, na kuli vaHiti, na kuli vaPelezi, na kuli vaNjevushi vaje vakele mu lifuti lya malundu, na vaHivi lalo vaje vakele kwisi ya Munkinda wa Helemone mu lifuti lya Mizipa.

Yoshwa 12:8

Co wavapangezelele lifuti lya malundu, na lifuti lya ku vushelumukilo vwa malundu mu kangombe ka yambi, na cana ca Yondau na kuje ku vushelumukilo vwa malundu, na kuje kwakungulumuka mu ngangela, amo na lifuti lyakuma lya mu mbwela. Lifuti eli likelyo lyapwile lya vaHiti, na vaAmoli, na vaKanana, na vaPelezi, na vaHivi, na vaNjevushi.

Yoshwa 21:45

Shukulu Kalunga wanyungile vikulaeso vyoshe vije vyalingile na vanu va Isalele.

Yoshwa 22:31

Co Finehase, muna Elyazale muka-kukombelela, wendekele kuli vakevo ngwendi, “Litangwa lya lelo tunazivuka ngeci kuma Shukulu Kalunga ali amo netu. Omwo kumwamutengulukilile embwe, ngecivene, munamena vanu va Isalele ku cihiso ca Shukulu Kalunga.”

Yoshwa 24:11

Mwajavukile Ndonga ya Yondau nakweta ku Yeliko. Co vanu va ku Yeliko vamilwisile, ngwe muje muvalingile vaAmoli, na vaPelezi, na vaKanana, na vaHiti, na vaNgilengashi, na vaHivi, na vaNjevushi. Oloni voshe mwavafungulwile

Yoshwa 3:9

Asinoni Yoshwa wendekele kuli vanu va Isalele ngwendi, “Ijeni kuno mutolilile evi vyendeka Shukulu Kalunga Njambi yeni.

Yoshwa 9:1

Omo vimyene voshe va mu kangombe ka yambi ya Yondau vazivile ngeci vaIsalele vanahyana, co voshe vaje vakele mu lifuti lya malundu, na mu lifuti lya ku vushelumukilo vwa malundu, na vaje vakele ku ngenge ya Lishali lya Menditelenyani, kutwala ku kunto ya Lembanone, vimyene va vaHiti, na vaAmoli, na vaKanana, na vaPelezi, na vaHivi, na vaNjevushi,

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”

1 Samwele 26:6

Co Ndaviti wehwile Ahimeleki kaHiti, na Avishai ndolome ya Yowave (vaina vapwile Zeluya) ngwendi, “Iya umo akati keni aya nange ku cilombo ca Saulu?” Avishai wamukumbulwile ngwendi, “Yange njiya nove.”