Yoshwa 24:6 - Livulu lya Shukulu Kalunga

⁶ omo njatundisile vakukulwila veni mu Ingito, co vaka-Ingito vavakavele na matemba, na vaka-kuwendesa. Oloni omo vakukulwila veni vetele ku Lishali Lyakuvenga,

Yoshwa 24:6 Iomraidhean Croise

Nehemiya 9:11

Mukati ka mema a kalunga walingilemo ngila ya vanu vove, co wavatwamenenene mukati oku valinakwenda a livu lyakuma. Vaje vavakavele vakupukile mu mema akulova, ngwe muje mulikakupuka limanya na mankimba a mu mema a kalunga.

Myaso 78:13

Ikeye waangunwine mema a kalunga nakuvetisamo, wemikile mema ngwe vivumbe.

Kutuuka 12:37

VaIsalele vatundile mu Lamesese a mendi vaile ku Sukote. Vanalume vapwile 600,000, kwakako vanakazi na vanike.

Kutuuka 12:51

A litangwa lije Shukulu Kalunga watuwisile miyati ya vaIsalele kuvatundisa mu Ingito.

Mika 6:4

Njamitundisile mu Ingito, nakumipatula mu vundungo. Njatumine Mosesa, na Alone, na Milyamu mukumitwamenena.

Vilinga vya Miluwa 7:36

Ikeye watundisile vanu mu Ingito, co walingile vizivukiso na vikomokeso mu Ingito na ku Lishali Lyakuvenga na mu mambo lalo a myaka makumi awana.

VaHevelu 11:29

Akukulaela, vanu va Isalele kwavasesele kujavuka Lishali Lyakuvenga ngwe a nunda yangoco, omo vaka-Ingito vesekele kucilinga, co voshe vanyongele.