Yoshwa 24:33 - Livulu lya Shukulu Kalunga

³³ Co Elyazale muna Alone watsile, vamutsindile ku Ngimbeya, nganda ije yakele mu lifuti lya malundu lya Efalime lije livaanene kuli munendi Finehase.

Yoshwa 24:33 Iomraidhean Croise

2 Samwele 20:21

Ovu kesi vukevwo vutumbe vwetu embwe. Tunakatukila munalume umo vatumbula Shemba muna Mbikile, natundu ku lifuti lya malundu lya Efalime, ikeye washangumukile kutengulukila Mwene Ndaviti. Muneneni ou munu, co njikatunda muno mu nganda.” Uje munakazi wendekele ngwendi, “Tukakumbilila mutwe wendi akamwa ya civumbe.”

1 Vimyene 4:8

Awa akewo mazina a vamyata likumi na vavali na mitambela ije vakele nakwendesa. Mbenehule, ku lifuti lya malundu lya Efalime.

2 Vimyene 5:22

Co Ngehazi wamukumbulwile ngwendi, “Embwe, oloni shukulu yange nanjitumu kukuleka ngwendi vanu vavali lika va ku munga ya vaka-kwimanena va Njambi va mu lifuti lya malundu lya Efalime ololo vene vanatulu, co ashaka yove uvane mavundungulu 3,000 a siliva na vuzalo vuvali vwavuvwa manene.”

Ezela 7:5

Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Yombi 30:23

Njazivuka ngwange ulinakunjitwala ku kutsa, ku njuvo ije ivavwaesela vaka-kuyoya voshe.

Myaso 49:10

Munu woshe namono ngeci nameme vanu vakunyanyama vatsa, amolika na vikolokomba na vilema. Voshe valinakuseza vufuko vwavo ku vatekulwila vavo.

Kutuuka 6:23

Alone wambatele Elishemba muna Aminandave ndokazi ya Naheshone, co ikeye wakitile Nandave, na Avihu, na Elyazale, na Itamale.

Kutuuka 6:25

Elyazale muna Alone wambatele umo wa ku vana va Putiyele va vanakazi, co wakitilileko Finehase. Ava vakevo vakulunu va naanga ya Levi ngwe ku cikota na cikota cavo.

Zakaliya 1:5

Co vakukulwila veni na vaje vaka-kwimanena kuvesi nakuyoya ololo.

Kulava 3:32

Co mukulunu wa vaLevi wapwile Elyazale muna Alone muka-kukombelela. Ikeye wakele na moko ali vaje vakele nakupanga mu Mwela Wakujela.

Vilinga vya Miluwa 13:36

“Omwo Ndaviti wapangele cizango ca Njambi a simbu yendi vavenya, co watsile, co vamutsindile na vakukulwila vendi, co muvila wendi wavolelele mu mbumbo.

VaHevelu 7:24

Oloni Yesu wakala myaka yoshe, co vipangi vyendi vyakupwa muka-kukombelela kuvikasa kuya kuli munu weka lalo embwe.

Yoshwa 14:1

Eyi ikeyo mitambela ivatambwile vaIsalele mu lifuti lya Kanana kupwa vushwana vwavo. Elyazale muka-kukombelela, na Yoshwa muna Nune, na vantwama va vikota vya miyati ya vaIsalele vakevo vavapangezeleleyo.

Yoshwa 22:13

Co vanu va Isalele vatumine Finehase muna Elyazale muka-kukombelela kuli vanu va miyati ya Luvena, na Ngande na litambelo lya Manase wa mu Ngangela mu lifuti lya Ngilyande.

Maako 17:8

Ikeye watundile mu Mbetelehema mu Yunda wakashakezekele mutambela weka wakukakala. Omo wakele nakwenda, wetile ku njuvo ya Mika mu lifuti lya malundu lya Efalime.

Maako 18:13

Co vatundile kuje, vezile ku njuvo ya Mika mu lifuti lya malundu lya Efalime.

Maako 20:28

Finehase muna Elyazale, muna Alone, ikeye wapwile muka-kucinyunga a matangwa aje, vehwile ngwavo, “Tunapande kuya nakukalwisa vandolome vetu vaMbenjemani lalo, indi tulikele?” Co Shukulu Kalunga wendekele ngwendi, “Yeni mukalwe navo, imene njikavakundika ku mavoko eni.”

1 Samwele 1:1

Kwakele munalume umo lizina lyendi Elekana, wa ku naanga ya Efalime, wakele mu limbo lya Lama, mu lifuti lya malundu lya Efalime. Wapwile muna Yelohame mutekulu wa Elihu, muna Tohu, wa ku cikota ca Zufe.

1 Samwele 9:4

Co vaile ku lifuti lya malundu lya Efalime na ku lifuti lya Shalisha, oloni kuvavawanene, co vaile lalo ku lifuti lya Shalime, oloni kuvavawanene. Vaile ku lifuti lya Mbenjemani, oloni na kuje lalo kuvavawanene.