Yoshwa 24:32 - Livulu lya Shukulu Kalunga

³² Co muvila wa Yosefa, uje vezile nawo vanu va Isalele kutunda ku Ingito, vautsindile ku Shekeme, mu kamutambela kamo ka livu kaje kalandele kuli vana va Hamole, ishe ya Shekeme, na mavundungulu a siliva akupwa 100. Co livu lije lyapwile vushwana vwa vatekulwila va Yosefa.

Yoshwa 24:32 Iomraidhean Croise

Kushangumuka 33:19

Yakomba walandele mutambela wa livu aje ashimbikile mbalaka yendi. Walilandele kuli vatekulwila va Hamole ishe ya Shekeme na mavundungulu a siliva akupwa 100.

Kushangumuka 48:22

Njilinakukwana Shekeme, mutambela uje wa vwilo, uje unjatambwile kuli vaAmoli na mukwale wange na vuta vwange vwa lusipa. Unapu wove, kesi wa vandolome vove.”

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

Kushangumuka 50:25

Asinoni Yosefa wehwile vandolome vendi ngeci valisinge. Co wendekele ngwendi, “Njikulaeseni ngeci omo Njambi akamitundisa mu lifuti lino, mukambate muvila wange.”

Kutuuka 13:19

Mosesa wambatele muvila wa Yosefa, ngwe Yosefa wavasingisile cisingo ca cikulaeso ngeci vakacilinge, omwo ikeye wendekele ngwendi, “Omo Njambi akamipatula, mwapande kwambata muvila wange nakuutundisa ku mutambela uno.”

Yowano 4:5

Ngecivene, mu Samaliya wetele ku nganda ivatumbwile Sikale, muyehi na lihya lije lyanene Yakomba kuli munendi Yosefa.

Vilinga vya Miluwa 7:15

Asinoni Yakomba waile ku Ingito, co ikeye na vana vendi vatsililile kuje.

Vilinga vya Miluwa 7:16

Co mivila yavo vaitwalele ku Shekeme kuje vavatsindile mu mbumbo ya Avilahama ije yalandele na vimbongo kuli vana va Hamole.

VaHevelu 11:22

Akukulaela, Yosefa, omo ikeye wakele kuyehi na kutsa, wendekele vyakutuuka kwa va Isalele mu Ingito, co wavalekele vati vanapande kulinga na vitsiya vyendi.