Yoshwa 24:26 - Livulu lya Shukulu Kalunga

²⁶ Ngecivene, Yoshwa wasonekele mashiko awa mu Livulu lya Mashiko a Njambi. Asinoni wanonele limanya lyakama walitumbikile mwisi ya muti wa Oke kuyehi na mwela wakujela wa Shukulu Kalunga.

Yoshwa 24:26 Iomraidhean Croise

Kushangumuka 31:45

Ngecivene, Yakomba wakakwile limanya nakulimika kupwa limanya lya canukiso.

Kushangumuka 35:4

Ngecivene, vaanene kuli Yakomba vinjambi voshe vaje vapwile vavavenya lifuti vavakele navo, na vimbilingwa vya ku matwi vije vivazalele. Co Yakomba wavishitikile mwisi ya muti wa oke wakuhwimina muyehi na Shekeme.

Kushangumuka 35:8

Ndembola mukwasi wa Lembeka watsile. Vamutsindile mwisi ya muti wa oke wakuhwimina ku mutambela wa mu mbwela ku Mbetele. Co uje muti vaulukile lizina lya “Oke Wakulilila.”

Kutuuka 24:4

Co Mosesa wasonekele majwi oshe a Shukulu Kalunga. Co alikaki mutondo watungile mutula kwisi ya munkinda, co wemikileo mamanya a vimanda likumi na avali, ku miyati ya Isalele likumi na ivali lalo.

Maako 9:6

Asinoni vanalume voshe va ku Shekeme, na ku Mbetemilo vakatukile amolika, vaile ku Shekeme ku muti wakujela wa Oke, kuje vakapwisile Avimeleke mwene.

1 Samwele 7:12

Asinoni Samwele wanonele limanya, walitumbikile mukati ka Mizipa na Shene, co wendekele ngwendi, “Shukulu Kalunga natukwasa yetu voshe mu ngila yetu.” Co walukile lije limanya ngwendi, “Limanya Lyakukwasa.”