Yoshwa 24:2 - Livulu lya Shukulu Kalunga

² Co Yoshwa wendekele kuli vanu voshe ngwendi, “Evi vikevyo vyanendeka Shukulu Kalunga Njambi ya Isalele ngwendi, ‘Ku san̄ulu vakukulwila veni vakele musambwa ya Ndonga ya Yufuleti valemesele vinjambi veka. Co umo wa vakukulwila veni vaje ikeye Tela, ishe ya Avilahama, na Nahole.

Yoshwa 24:2 Iomraidhean Croise

Kushangumuka 11:22

Omo Selunge wakele na myaka 30, wakitile mwana wa munalume lizina lyendi Nahole.

Kushangumuka 11:24

Omo Nahole wakele na myaka 29, wakitile mwana wa munalume lizina lyendi Tela.

Kushangumuka 11:26

Omo Tela wakele na myaka 70, wakitile vana vendi vatatu va vanalume mazina avo, Avilama, na Nahole, na Halane.

Kushangumuka 11:27

Ava vakevo vatekulwila va Tela, ishe ya Avilama, na Nahole, na Halane. Halane ikeye wapwile ishe ya Lote,

Kushangumuka 31:19

Oloni omo Lambani nailaja mukuteula vimanga vendi, co Lakele wevile tumponya twa ishe.

Kushangumuka 31:30

Njazivuka ngeci unakatukile omo unakala na cishota-mbunge cakwiluka kwimbo lyeni, oloni omo vikajo unevila tumponya twa mu njuvo yange?”

Kushangumuka 31:32

Oloni yove nga uwana umo kuno uje ali na tumponya twove, co napande kutsa ano vene ku mesho a vavushoko vwetu, kengezeka ngeci uwane cuma coshe cije cakundama kuli yove.” Oloni Yakomba kazivukile ngwendi Lakele nevi tumponya twa Lambani.

Kushangumuka 31:53

Njambi ya Avilahama na Njambi ya Nahole, ikeye Njambi akasompa akati ketu.” Co Yakomba walisingile mukunyunga cikumiiyo mu lizina lya Njambi uje yalemesele ishe Isake.

Kushangumuka 35:4

Ngecivene, vaanene kuli Yakomba vinjambi voshe vaje vapwile vavavenya lifuti vavakele navo, na vimbilingwa vya ku matwi vije vivazalele. Co Yakomba wavishitikile mwisi ya muti wa oke wakuhwimina muyehi na Shekeme.

1 Mizimbu 1:27

na Avilama (ikeye vene Avilahama.)

Isaya 51:2

Yongoleni kukulwila yeni Avilahama, na Sala, kuje kwatunda naanga yeni. Omo njasanene Avilahama, kakele na vana vai, oloni njamuvezikisile nakumwana vana, njatumisile manene vatekulwila vendi.

Ezekiyele 16:3

Leka Yelusalema vije vyalinakwendeka nendi Shukulu Kalunga wa Akamwa ya Vyoshe ngwendi, “Yove wasemukilile mu lifuti lya Kanana. Isho wapwile kaAmoli, co vanyoko vapwile kaHiti.

Luka 3:34

Yunda wapwile muna Yakomba, Yakomba wapwile muna Isake, Isake wapwile muna Avilahama, Avilahama wapwile muna Tela, Tela wapwile muna Nahole,

Kwituluka mu Mashiko 26:5

Co mukendeka ku mesho Shukulu Kalunga Njambi yeni ngweni, ‘Kukulwila yetu wapwile kaAlama muka-kwendangana, watwalele naanga yendi ku Ingito nakukakalako. Vakevo vapwile vavandondo lika omo vaile, oloni vakelukile kupwa muyati wakama wa nzili manene.

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”