Yoshwa 24:19 - Livulu lya Shukulu Kalunga

¹⁹ Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni,

Yoshwa 24:19 Iomraidhean Croise

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Myaso 99:3

Vashangazale lizina lyendi lya nzili na vukama, ikeye wapwa wakujela!

Myaso 99:5

Shangazaleni Shukulu Kalunga Njambi yetu, mulemeseni a litanda lyendi! Ikeye wapwa wakujela!

Myaso 99:9

Shangazaleni Shukulu Kalunga Njambi yetu, mulemeseni a lilundu lyendi lyakujela! Omwo Shukulu Kalunga Njambi yetu wapwa wakujela!

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 23:21

Ngecivene, mutolilileni nakumwononoka. Co kesi mumutengulukile, omwo yange njinamutumu, oloni nga mumutengulukila, co kakasambesa milonga yangacije, omwo lizina lyange lili muli ikeye.

Kutuuka 34:14

“Ngecivene, kesi mukalemese njambi weka lalo, omwo yange Kalunga, njapwa Njambi wa lifuwa.

Kutuuka 34:7

Yange njimwesa cizemo cije kucesi kutenguluka ku makulukazi a vanu, nakuvasambesa ku milonga yavo na ku kupenga-penga kwavo, na ku vuvi vwavo. Oloni kunjikajuka kunyanyamesa vana na vatekulu ku cisemwa camucitatu neci camuciwana a vuvi vwa visemi vavo.”

Isaya 2:9

Ngecivene, vanu voshe vakakala na shwamwa na vunyengwe. Kesi uvasambese, Shukulu Kalunga.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Isaya 30:11

Kesi mutuleke vije vyanendeka Njambi. Kutushaka kuziva vya Njambi wakujela wa Isalele.”

Isaya 30:15

Shukulu Kalunga wa Akamwa ya Vyoshe, Njambi Wakujela wa Isalele, nendeka kuli vanu ngwendi, “Mukutenguluka namukuhwima mukemwo mumukawana mwonyo, co mu kwoloka namukukulaela mukemwo mumukawana nzili.

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

VaLevi 11:44

Yange njapwa Kalunga Njambi yeni, co munapande kulinyunga mupwe vaka-kujela, omwo yange njapwa wakujela.

VaLevi 11:45

Yange njapwa Kalunga uje wamitundisile mu lifuti lya Ingito ngeci njipwe Njambi yeni. Munapande kupwa vakujela omo yange njapwa wakujela.

VaLevi 19:2

“Leka mbunga yoshe ya vanu va Isalele ngwove, ‘Pweni vakujela, omwo yange Kalunga Njambi yeni, njapwa wakujela.’

VaLevi 20:26

Pweni vanu vange vakujela. Co kundameni lika kuli yange omwo yange Kalunga njapwa wakujela. Njinamyangununa yeni ku miyati yeka ngeci mupwe vanu vange lika.

VaLevi 20:7

Pweni vakujela, omwo yange njapwa Kalunga Njambi yeni.

Nahumi 1:2

Shukulu Kalunga Njambi kesi kutavesa vanu vaje valemesa tumponya, akanyanyamesa vaje vamuzinda. Omo vakevo vamuluvalesa, co avalinga shambandinga.

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Mateo 6:24

“Munu naumo wai asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela lalo vimbongo.

Yoshwa 24:18

Omo twezile mu lifuti lino, Shukulu Kalunga washekelemo vaAmoli voshe vaje vakelemo. Ngecivene, netu lalo tukapangela Shukulu Kalunga omwo ikeye wapwa Njambi yetu.”

Yoshwa 24:23

Asinoni Yoshwa wendekele ngwendi, “Mwamuvwa nga mushaka kupangela Shukulu Kalunga, co tundiseni vinjambi veka vaje vali akati keni, co akeni vimbunge vyeni kuli Shukulu Kalunga Njambi ya Isalele.”

Lute 1:15

Ngecivene, Naumi wendekele kuli ikeye ngwendi, “Munange, munyanyoko neluka kuli vavushoko vwendi, na kuli vinjambi vendi. Co nove lalo iluka kwimbo lyeni.”

1 Samwele 3:14

Ngecivene, njinalisingi ngeci ku naanga ya Eli kukwesi kukombelela nambe n̄ombelo ikasa kutundisa vuvi vwangacije.”

1 Samwele 6:20

Ngecivene, vanu va ku Mbete Shemeshe vendekele ngwavo, “Iyajo asa kwimana ku mesho a Shukulu Kalunga, Njambi wakujela? Tukamutuma kulijo ngeci atunde kuli yetu?”