Yoshwa 24:18 - Livulu lya Shukulu Kalunga

¹⁸ Omo twezile mu lifuti lino, Shukulu Kalunga washekelemo vaAmoli voshe vaje vakelemo. Ngecivene, netu lalo tukapangela Shukulu Kalunga omwo ikeye wapwa Njambi yetu.”

Yoshwa 24:18 Iomraidhean Croise

Myaso 116:16

Yove Shukulu Kalunga mwa vushunga yange nji ngamba yove, njikakupangela ngwe muje muvalingile vene vanana. Unanjipatula ku malyenge a kutsa.

Kutuuka 10:2

ngeci mukase kukalekako vana veni na vatekulyeni omu munjinapwisa vaka-Ingito vikolokomba omo akulinga vikomokeso akati kavo. Co yeni voshe mukazivuka ngweni kuma yange njapwa Kalunga.”

Kutuuka 15:2

Shukulu Kalunga ikeye nzili yange omu mukemwo njilinakumwimbila, omwo nanjamena. Ikeye Njambi yange, co njikamushangazala, ikeye Njambi ya tate, co njikamwimbila a vukama vwendi.

Kutuuka 23:31

Co njikatwa vinginga vya lifuti lyeni nakuvyamesa kutunda ku Linema lya Akava kutwala ku Lishali lya Menditelenyani, nakutunda ku mambo nakweta ku Ndonga ya Yufuleti. Co njikamyana moko akamwa yavavenya lifuti lije, mukavashekamo nakuvatundisamo omo mukaya kulutwe.

Mika 4:2

co vanu vawo vakendeka ngwavo, “Tulamateni a lilundu lya Shukulu Kalunga, ku Njuvo ya Shukulu Kalunga Njambi ya Isalele. Omwo akatulongesa vije vyashaka ngeci tuvilinge, tukenda mu vitapalo vyanaangula. Omwo vilongesa vya Shukulu Kalunga vitundilila mu Yelusalema, akendeka ku vanu vendi kutundilila mu Siyone.”

Zakaliya 8:23

A matangwa aje vaka-kwija likumi vakaija kuli kaYunda umo nakwendeka ngwavo, ‘Tuya amolika nove, omwo tunazivi ngeci Njambi ali amo nove.’ ”

Vilinga vya Miluwa 7:45

Munima yevi, vakukulwila vetu vaje vatambwile mbalaka kuli vaishavo vayambatele omo vaile na Yoshwa nakutambula lifuti ku miyati ije yashekelemo Njambi omo vakele nakuya kulutwe. Ngecivene, cakele kuje noo a simbu ya Ndaviti.

Kwituluka mu Mashiko 10:21

Mwaleseni, ikeye wapwa Njambi yeni. Ikeye wamilingilile vikomokeso vyakama vyakujujwisa, vije mwalimwenenene yeni vavenya na mesho eni.

Kwituluka mu Mashiko 33:27

Njambi simbu yoshe wapwa cimpaka ceni, simbu yoshe mavoko endi kuwesi kujuka kumivungutiya. Ikeye washekele vitozi veni kulutwe lweni, co wamilekele ngeci muvanyongese voshe njwa.

Yoshwa 23:9

Shukulu Kalunga wamishekelele miyati yakama na nzili omo yeni mwakele nakuya kulutwe, co naumo wai wasele kwimana nakumilwisa.

Yoshwa 24:17

Omwo Shukulu Kalunga Njambi yetu ikeye uje watundisile yetu na vakukulwila vetu mu vundungo mu lifuti lya Ingito, co twamwene vizivukiso vyakama vije vyalingile ku mesho etu. Ikeye watunyungile mwamuvwa mu ngila mwoshe muje mutwezile akati ka miyati yoshe muje mutwetile.

Yoshwa 24:19

Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni,