Yoshwa 24:15 - Livulu lya Shukulu Kalunga

¹⁵ Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”

Yoshwa 24:15 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

Kushangumuka 35:2

Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela.

1 Vimyene 18:21

Elinja wemanene kulutwe lwavo wendekele ngwendi, “Simbu ikajo mukalyangwila ou imunapande kupangela? Nga Shukulu Kalunga ikeye Njambi, co mulemeseni, oloni nga Mbale ikeye Njambi, co mulemeseni.” Oloni vanu kuvendekele lijwi nalimo lyai.

1 Mizimbu 1:14

Kanana wapwile lalo kukulwila wa vaNjevushi, na vaAmoli, na vaNgilengashi,

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Myaso 119:106

Njinalisingi cisingo nakucikolesa, ngeci njikakavangeya mashiko ove a vushunga.

Kutuuka 23:2

Kesi mulizivasane na vanu vavangi omo vakevo valinga mwamuvi nambe omo vendeka vukaleo vwakutengulula vushunga.

Kutuuka 23:24

Kesi mukatsikamene vinjambi vavo nakuvalemesa, co kesi mutembunwine futisi yavo yakulemesa. Nyongeseni vinjambi vavo nakusiwula mamanya a vimanda vyavo vyakulemesela.

Kutuuka 34:15

Co kesi mukalizivasane na vanu va mu lifuti lije omo valemesa vinjambi vavo nakuvakombelela, kutewa vakamilanya ngeci mukalikumbasane navo, co vakamyeseka mukalye ku vyakulya vanakombelela ku vinjambi vavo.

Ezekiyele 20:39

Co Shukulu Kalunga wa Akamwa ya Vyoshe wendekele ngwendi, “Ololo, yeni voshe vaIsalele, lizivasaneni! Twaleniho nakupangela tumponya tweni! Oloni njiminangula ngwange munima yevi, mukanjononoka nakulikela kushaula lizina lyange lyakujela akwana vwana ku tumponya tweni.

Ndanyele 3:18

Oloni nga ikeye kasa, co yove shukulu zivuka ngwove mwa vushunga yetu kutwasa kulemesa njambi yove, co lalo kutwasa kukulama nakulemesa kamponya ka ngolinde kaje kaunemika.”

VaLevi 14:42

Co mamanya eka vanapande kuwapangesa kwingisa mu mutambela wa mamanya aje vanatundisile, co vanapande kusalimba vije vivumbe mweka lalo.

Mika 4:5

Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Kwituluka mu Mashiko 13:7

Umo wavo asa kumikokweya ngeci mulemese vinjambi va vanu vaje vanamizengeleka vaje vali muyehi neni, nambe vinjambi va vanu vaje vali kulyala neni.

Kwituluka mu Mashiko 29:18

Mwa vushunga vene kesi kukakale munalume, nambe munakazi, nambe naanga, nambe muyati akati keni munemana kuno ku litangwa lya lelo akatenguluka nakutunda kuli Shukulu Kalunga Njambi yetu nakulemesa vinjambi va miyati ije embwe. Cuma eci cinalifu ngwe muzi ulinakukula kupwa muti wakulula na vushungu vwa kutsa.

Yoshwa 24:16

Co vanu vamukumbulwile ngwavo, “Ciye kulyala netu, yetu kutukaseza Shukulu Kalunga nakupangela vinjambi veka embwe!

Maako 6:10

Co njamilekele ngwange yange njapwa Kalunga Njambi yeni, kumwapandele kulemesa vinjambi va vaAmoli, vaka-lifuti lije mulinakuyoyelamo. Oloni kumwanjitolilile.”