Yoshwa 23:9 - Livulu lya Shukulu Kalunga

⁹ Shukulu Kalunga wamishekelele miyati yakama na nzili omo yeni mwakele nakuya kulutwe, co naumo wai wasele kwimana nakumilwisa.

Yoshwa 23:9 Iomraidhean Croise

1 Vimyene 21:26

Ikeye walingile vuvi vwa shwamwa yakama manene akulemesa tumponya, ngwe muvalingile vaAmoli, vaje vashekele Shukulu Kalunga mu lifuti nakulyana kuli vaIsalele.)

2 Mizimbu 20:7

Yove Njambi yetu, washekele vavenya lifuti lino kulutwe lwa vanu vove va Isalele nakulyana kuli vatekulwila va Avilahama musamba wove, ngeci vakalemo ku myaka yoshe.

Kutuuka 23:23

Co kangelo kange akaya kulutwe lweni akamitwala mu lifuti lije lya vaAmoli, na vaHiti, na vaPelezi, na vaKanana, na vaHivi, na vaNjevushi, co njikavanyongesa.

Kutuuka 23:30

Oloni, njikavatundisamo kamandondo-kamandondo lika, noo yeni voshe munajauka mu lifuti.

Vilinga vya Miluwa 7:45

Munima yevi, vakukulwila vetu vaje vatambwile mbalaka kuli vaishavo vayambatele omo vaile na Yoshwa nakutambula lifuti ku miyati ije yashekelemo Njambi omo vakele nakuya kulutwe. Ngecivene, cakele kuje noo a simbu ya Ndaviti.

Kwituluka mu Mashiko 11:23

asinoni ikeye akasheka miyati yoshe ku mesho eni, co mukafungulula miyati ije yakama na nzili kutuvakana yeni.

Kwituluka mu Mashiko 7:24

Ikeye akakundika vimyene vavo mu mavoko eni. Voshe mukavatsiya, co vakevo vakavevala mu lifuti, naumo wai akemana ku mesho eni noo munavanyongesa voshe.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 15:14

Co muje mu nganda Kalembi washekelemo vatekulwila va Anake, vikota vya Sheshai, na Ahimane, na Talemai.

Yoshwa 23:5

Shukulu Kalunga Njambi yeni ikeye vavenya akavasheka kulutwe lweni, co akavashekela kulyala omo yeni mulinakuya kulutwe. Co mukashwana lifuti lyavo, ngwe muje mwamikulaesele Shukulu Kalunga Njambi yeni.

Yoshwa 23:8

Oloni kakateyeni kuli Shukulu Kalunga Njambi yeni, ngwe muje mumwalingi kweta na lelo lino.

Yoshwa 24:18

Omo twezile mu lifuti lino, Shukulu Kalunga washekelemo vaAmoli voshe vaje vakelemo. Ngecivene, netu lalo tukapangela Shukulu Kalunga omwo ikeye wapwa Njambi yetu.”