Yoshwa 23:6 - Livulu lya Shukulu Kalunga

⁶ Ngecivene, nyanyameni nakwononoka vyuma vyoshe vije vivanasoneka mu livulu lya Mashiko lya Mosesa. Kesi mukalimbululeo nambe litambelo limo embwe,

Yoshwa 23:6 Iomraidhean Croise

1 Vimyene 2:3

linga vije vyakushika Shukulu Kalunga Njambi yove. Enda mu vingila vyendi nakunyunga vizilika vyendi, na mashiko endi, na vilongesa vyendi, na vukaleo vwendi ngwe muvavisoneka mu Lishiko lya Mosesa, ngeci ukavezike mu vyoshe viwukalinga kwoshe kuukaya.

Myaso 101:3

Kunjikalingi cuma cacivi, njizinda vilinga vya vaka-kujeneka kukulaela kuli Njambi, kunjikombuko mbunge kuli vakevo embwe.

Myaso 119:102

Yange kunjasezele mashiko ove, omwo yove unanjilongesawo.

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

1 Kolinte 16:13

Kengeleleni, imaneni mbe mukukulaela, pweni vaka-kusimpa, pweni vaka-nzili.

Kwituluka mu Mashiko 12:32

“Vyuma vyoshe vije vinjinamishiki mukavilinga nakunyanyama. Kesi mukawezeleleko cuma cimo nambe kutundisako cuma cimo embwe.

Kwituluka mu Mashiko 17:20

kutewa mbunge yendi ikalyalesa akati ka vandolome vendi vaIsalele nakupokola mashiko a Shukulu Kalunga mukulinga nevi nevi. Asinoni akashwana myaka yaingi, co vatekulwila vendi vakashwana Isalele ku visemwa vyavingi.

Kwituluka mu Mashiko 28:14

Kesi mutunde ku mashiko awa njinamyana ku litangwa lya lelo, kumwapandele kukenga noku-noku, nambe kulemesa nakupangela vinjambi veka.

Kwituluka mu Mashiko 5:32

“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi.

VaHevelu 12:4

Omwo akuundangana kweni kwakulwisa vuvi, kanda mucilwe nzita na ashongo yakumitsiya.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”