Yoshwa 23:15 - Livulu lya Shukulu Kalunga

¹⁵ Ngwe omo ikeye wanyungile vikulaeso vyoshe vije vyalingile kuli yeni, ngecivene, Shukulu Kalunga akanena vyuma vyoshe vyavivi ali yeni, noo naminyongesa mu lifuti eli lyalivwa lyanamyana Shukulu Kalunga Njambi yeni.

Yoshwa 23:15 Iomraidhean Croise

1 Vimyene 14:15

Shukulu Kalunga akahisa Isalele, co Isalele ikajaja ngwe mulikajaja lihongo mu muna ndonga. Ikeye akatundisa vanu va Isalele mu lifuti eli lyalivwa lije walyanene kuli vakukulwila vavo, co akavashandwela musambwa ya Ndonga ya Yufuleti, omwo vashangumuna vukalu vwendi akushonga tumponya twa Ashela njambi wa munakazi.

1 Vimyene 8:56

“Shangazaleni Shukulu Kalunga uje naana kwoloka ku vanu vendi, ngwe muje mwakulaesele. Ikeye nanyungu vikulaeso vyoshe vije vyakulaesele muli ngamba yendi Mosesa.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 32:42

Nameme omo njinanena tuyando twakama ali vanu ava, oloni njikavana vyuma vyoshe vyavivwa vije vinjavakulaesele.

Njelemiya 35:17

Ngecivene, ololo, yange Kalunga, Muka-nzili yoshe, Njambi ya Isalele, njikanena ali yeni vanu va mu Yunda na vanu va mu Yelusalema, n̄avava yoshe ije injamitumbwilile. Njikalinga evi omwo kumwatolililile ku vije njendekele kuli yeni, co kumwanjikumbulwile omo njamisanene.”

VaLevi 26:3

“Nga mukavangeya mashiko ange nakwononoka kushika kwange,

1 Tesalonika 2:16

Vesekele kutuvindika kwambulula lijwi kuli vaje kesi vaYunda ngeci na vakevo vatambule kwovoka. Mu ngila eyi vene vakevo vanashulisa vene seteko ya vivi vije vivalingile simbu yoshe. Co ololo vukalu vwa Njambi akukotoka vunaija ali vakevo!

Maako 13:1

Co vaIsalele valingile lalo vuvi ku mesho a Shukulu Kalunga, co Shukulu Kalunga wavakundikile ku mavoko a vaFilisitiya ngeci vavashwane myaka 40.

Maako 3:12

Co vanu va Isalele valingile lalo vuvi ku mesho a Shukulu Kalunga. Omwo eci, Shukulu Kalunga waanene nzili kuli Mwene Engilone wa ku Mowavi, co wafungulwile vaIsalele.

Maako 3:8

Ngecivene, Shukulu Kalunga waluvalele na vaIsalele, co wavakundikile ku mavoko a Mwene Kushane Lishataime wa ku Mesopotamya, co vapwile vinzinda vendi myaka itanu na itatu.

Maako 6:1

Co lalo vanu va Isalele valingile vuvi ku mesho a Shukulu Kalunga, ngecivene, Shukulu Kalunga wavakundikile ku mavoko a vaMindyani vaje vavashwanene myaka itanu na ivali.