Yoshwa 23:13 - Livulu lya Shukulu Kalunga

¹³ mwa vushunga vene zivukeni ngweni Shukulu Kalunga Njambi yeni kakasheke lalo miyati eyi ili kulutwe lweni. Oloni, vakevo vakapwa vushonde kuli yeni ngwe mweto nambe ngwe mbulu, co vakamivavalesa ngwe makote ku vimati vyeni, ngwe mambimbo mu mesho eni. Noo mukanyonga mu lifuti eli lyalivwa lyanamyana Shukulu Kalunga Njambi yeni.

Yoshwa 23:13 Iomraidhean Croise

1 Vimyene 11:4

omo Solomoni wakuluvalele, vanakazi vendi vatangwile mbunge yendi mukukava vinjambi veka nakuvalemesa. Kapwile lalo wa kulongwa kuli Shukulu Kalunga Njambi yendi, ngwe mwalingile ishe Ndaviti.

2 Vimyene 17:18

Shukulu Kalunga waluvalele na vaIsalele, co kashakele kuvamona, wasezele lika vumwene vwa Yunda.

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

2 Vimyene 25:21

mu lifuti lya Hamate. Co mwene wa Mbambilone wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala mu vunzinda.

2 Vimyene 25:26

Asinoni vaIsalele voshe, vaka-kufuka na tuutu, amolika na vamyata va mbunga ya mashwalale, vakatukile vaile ku Ingito, omwo vakele na lyova lya vaMbambilone.

Myaso 69:22

Viwano vyavo vipwe vinganjo vyavo vavenya, viwano vyavo vyakujela vipwe vimbulu vyakuwilamo vakevo vavenya!

Kutuuka 10:7

Co vamyata va mwene vendekele kuli mwene ngwavo, “Visimbu vingaijo munu ou akatuyandesa? Ecela vanalume va vaIsalele vaye vakalemese Shukulu Kalunga Njambi yavo. Kuma yove kuwanangukile ngwove Ingito yanyongo ndi?”

Kutuuka 23:33

Kesi mutave vanu vaje vakayoye mu lifuti lyeni, nga mulingamo, vakamilingisa vuvi ku mesho ange. Nga mukalemesa vinjambi vavo, co cikapwa ciliva cakuminyongesa.”

Kutuuka 34:12

Nyanyameni! Kesi mukalizivasane na vanu va mu lifuti lije mukakovela, omwo eci cikapwa ciliva kuli yeni.

Kutuuka 34:16

Co omo vana veni va vanalume vakambata vana vavo va vanakazi, co vakavatangula kukulaela kwavo, co vakalemesa vinjambi vavo.

Ezekiyele 28:24

Shukulu Kalunga wendekele kuli yange ngwendi, “Muyati wa Isalele kuvakavayandesa lalo, akuvatuva mambimbo na mishwena ku vanu vaje vanavazengeleka. Asinoni vakazivuka ngeci yange njapwa Kalunga wa Akamwa ya Vyoshe.”

Kulava 33:55

Oloni nga yeni kumukashekemo vavenya lifuti lije, co vaje vakasalamo vakamiyandesa ngwe vimba vyakutinukila a mesho eni, na mambimbo akumitiva a mivila yeni, co vakamiyandesa mu lifuti lije limukakala.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Kwituluka mu Mashiko 29:28

co Shukulu Kalunga waluvalele manene, co wavatundisile mu lifuti lyavo, wavombilile mu lifuti lyeka, mukemwo muvacili nakweta ku litangwa lya lelo.’

Kwituluka mu Mashiko 30:18

njimileka ku litangwa lya lelo ngwange mukanyonga. Co kumukakala simbu yakama mu lifuti lije lili musambwa ya Ndonga ya Yondau, lije mulinakukovela nakulishwana.

Kwituluka mu Mashiko 4:26

Nga mukalingamo, co mukanyongela mu lifuti lije limukashwana lili musambwa ya Yondau. Kumukatumisa matangwa eni mu lifuti lije oloni muvavoshe mukanyonga njwa, omwo lilu na asi vinapu vukaleo vwange ku litangwa lya lelo.

Kwituluka mu Mashiko 7:16

Co mukanyongesa vanu voshe vaje vakakundika Shukulu Kalunga Njambi yeni mu mavoko eni, co kesi mukavazivile mema ku mbunge embwe, nambe kulemesa vinjambi vavo, omwo eci cikapwa nganjo kuli yeni.

2 Timateo 2:26

Co asinoni vakatenguluka ku mana avo ngeci vatewe ku mweto wa Liyavola, uje navakwata nakuvapwisa vaka-kwononoka cizango cendi.

Maako 2:21

co yange kunjikasheke miyati ije yasezele Yoshwa mu lifuti omo watsile.