Yoshwa 23:11 - Livulu lya Shukulu Kalunga

¹¹ Nyanyameni ngeci muzeme Shukulu Kalunga Njambi yeni.

Yoshwa 23:11 Iomraidhean Croise

Kutuuka 20:6

Oloni njikamwesa cizemo cange cije kucesi kutenguluka ku visemwa vyakupwa 1,000 vya vaje vanjizema nakunyunga mashiko ange.

Visimo 4:23

Nyunga viyongola vyove, omwo viyongola vyove vikevyo kavwelu-vwelu ka mwonyo.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

1 Kolinte 16:22

Woshe kazeme Mwene, cisingo cikale ali ikeye! Ija, Mwene yetu!

1 Kolinte 8:3

Oloni nga munu azema Njambi nendi vanamuzivuka kuli Njambi.

Efeso 5:15

Ngecivene, nyanyameni mumuli nakuyoya. Kesi muyoye ngwe vaka-kwonwa mana, oloni ngwe vaka-mana.

Kwituluka mu Mashiko 30:16

Nga yeni mwononoka mashiko a Shukulu Kalunga Njambi yeni, awa njilinakumyana ku litangwa lya lelo, akuzema Shukulu Kalunga Njambi yeni, nakwenda mu vingila vyendi, nakunyunga mashiko endi, na vizilika vyendi, na vilongesa vyendi, asinoni mukayoya, co mukapwa muvavangi. Co Shukulu Kalunga Njambi yeni akamivezikisa mu lifuti lije limukakovela nakulishwana.

Kwituluka mu Mashiko 30:20

nakuzema Shukulu Kalunga Njambi yeni nakwononoka lijwi lyendi nakukakateya kuli ikeye. Asinoni yeni na vatekulwila veni mukakala myaka yaingi mu lifuti lije lyakulaesele Shukulu Kalunga kulyana kuli vakukulwila veni, Avilahama, na Isake, na Yakomba.”

Kwituluka mu Mashiko 4:15

“Anukeni simbu ije omo Shukulu Kalunga wendekele neni oku ali mukati ka tuhya ku Munkinda wa Sinai, mwazivile lijwi lyendi, oloni kumwamwene cifwa cendi embwe. Ngecivene, linyungeni.

Kwituluka mu Mashiko 4:9

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

VaHevelu 12:15

Nyanyameni kutewa umo akeluka munima kutunda ku mema ku mbunge ya Njambi. Nyanyameni akati keni kesi umo apwe ngwe muti wakulula uje umena nakunena tuyando twatungi na vushungu vwawo.

Yoshwa 22:5

Mwa vushunga ononokeni mashiko aje amishikile Mosesa ngamba ya Shukulu Kalunga ngeci munapande kuzema Shukulu Kalunga Njambi yeni, nakulinga cizango cendi, nakwononoka mashiko endi, na kukakateya kuli ikeye, nakumupangela na vimbunge vyeni vyoshe na myonyo yeni yoshe.”

Yoshwa 23:10

Munalume umo wa ali yeni asa kusheka vanalume 1,000, omwo Shukulu Kalunga Njambi yeni ikeye amilwilako, ngwe muje mwamikulaesele.

Yoshwa 23:12

Nga mumukengesa nima, co mulipandakana na miyati eyi yasalao, ava vali akati keni, co mulyambatela navo,