Yoshwa 23:10 - Livulu lya Shukulu Kalunga

¹⁰ Munalume umo wa ali yeni asa kusheka vanalume 1,000, omwo Shukulu Kalunga Njambi yeni ikeye amilwilako, ngwe muje mwamikulaesele.

Yoshwa 23:10 Iomraidhean Croise

2 Samwele 23:8

Awa akewo mazina a mashwalale va Ndaviti va lutsimo, wakulivanga wapwile Yosheve Mbashevete wa ku Takemone, ikeye wapwile ntwama ya “Vatatu” walwisile vanalume 800 na likunga lyendi, co voshe wavatsiile mu nzita imolika.

1 Mizimbu 5:20

Vakevo vakulaelele Njambi, nakulombela kuli ikeye ngeci avakwase, co Njambi wakumbulwile malombelo avo, wavahyanesele kuli vaHangeli na vaje vakwasele vaHangeli.

1 Mizimbu 5:22

Co vatsiile vitozi vavangi, omwo nzita yapwile ya cizango ca Njambi. Co vatwaleleleo kukala mwamuvwa mu mutambela uje noo ku simbu ya vundungo.

Myaso 35:1

Shukulu Kalunga, yeluwisa vaje vanjiyeluwisa, co lwa na vaje vanjilwisa!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Kutuuka 14:14

Shukulu Kalunga ikeye akamilwilako, yeni nacimo cai cimukalinga.”

Isaya 30:17

Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

VaLevi 26:7

Co mukafungulula vitozi veni.

VaLevi 26:8

Vanu vatanu akati keni vakafungulula ciita, co vanu ciita vakafungulula makulukazi likumi. Vitozi veni vakafunguluka mu nzita.

Zakaliya 12:8

A simbu ije Shukulu Kalunga akanyunga vaje vakala mu Yelusalema, nameme vaje vakuzeya manene akati kavo vakakala na nzili ngwe yakele nayo Ndaviti. Vatekulwila va Ndaviti vakashwana ngwe kangelo ka Shukulu Kalunga, ngwe Njambi vene vavenya.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Kwituluka mu Mashiko 20:3

‘Tolilileni yeni vaIsalele! Ku litangwa lya lelo mulinakuya ku nzita. Kesi muzive lyova lya vitozi veni, nambe mulijujukile mu vimbunge vyeni, nambe kuvupuka,

Kwituluka mu Mashiko 20:4

omwo Shukulu Kalunga Njambi yeni alinakuya neni, nakumilwila ku vitozi veni.’

Kwituluka mu Mashiko 28:7

“Shukulu Kalunga akafungulula vitozi veni omo vakamilwisa. Vakamilwisila ku mutambela umolika, oloni vakevo vakatewela mu mitambela yoshe.

Kwituluka mu Mashiko 3:22

Kesi uvazivile lyova embwe, omwo Shukulu Kalunga Njambi yove ikeye akamilwilako.’

Kwituluka mu Mashiko 32:20

Co wendekele ngwendi, ‘Kunjikavakwasa lalo embwe, ngeci njikamone vije vikalingiwa kuli vakevo, vanu vakukaluwa vimbunge, vanu vakujeneka kulongwa.

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.

Yoshwa 10:42

Yoshwa wafungulwile vimyene voshe ava na mitambela yavo mu simbu imolika omwo Shukulu Kalunga Njambi ya Isalele, waamenene vaIsalele nakuvalwilako.

Yoshwa 23:11

Nyanyameni ngeci muzeme Shukulu Kalunga Njambi yeni.

Yoshwa 23:3

Munamono vyuma vyoshe vije vyanalingi Shukulu Kalunga Njambi yeni ku miyati yoshe eyi omwo yeni. Shukulu Kalunga Njambi yeni ikeye namilwilako.

Maako 15:15

Co Samusoni wawanene citsiya ca mbange ya cimulu te mwacitsa. Wacinonele, co watsiile naco vanalume vakupwa 1,000.

Maako 3:31

Munima ya Ehunde kwezile Shamengale muna Anate. Na ikeye lalo wapwile ntwama ya vaIsalele, akutsiya vaFilisitiya vakupwa 600 na citi cakutimwisa vingombe.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”