Yoshwa 22:9 - Livulu lya Shukulu Kalunga

⁹ Ngecivene, vanu va miyati ya Luvena, na Ngande, na litambelo lya muyati wa Manase wa mu Ngangela ya Yondau velukile ku membo avo. Vasezele vanu va Isalele ku Shilo mu lifuti lya Kanana, co vaile ku lifuti lyavo lya Ngilyande, lije livatambwile ngwe muje mwavashikile Shukulu Kalunga ali Mosesa.

Yoshwa 22:9 Iomraidhean Croise

2 Samwele 2:9

Co Avinele wapwisile Ishemboshete mwene wa lifuti lya Ngilyande, na Ashele, na Njezelele, na Efalime, na Mbenjemani, na lifuti lyoshe lya Isalele.

1 Mizimbu 5:9

Vakele na matanga amangi mu lifuti lya Ngilyande, ngecivene, vatungile mu lifuti lije nakweta mu ngangela mu mambo kweta ku Ndonga ya Yufuleti.

Myaso 60:7

Ngilyande yapwa yange, na Manase lalo yapwa yange, Efalime yapwa ngwe tepa yange ya nzita, Yunda ikeyo yapwa mulamu wange wa vumwene.

Kulava 32:1

Miyati ya Luvena na Ngande vakele na vimuna vavangi manene. Co omo vamwene vuvwa vwa lifuti lya Njazele, na Ngilyande kulilamo vingombe,

Kulava 32:20

Co Mosesa wavakumbulwile ngwendi, “Nga evi vimunendeka vinapu vya vushunga, cooni lipakateni vitwa vyeni vya nzita muye ngwe mumunakulaesa ku mesho a Shukulu Kalunga.

Kulava 32:22

Co omo Shukulu Kalunga akafungulula lifuti, asinoni mukeluka kuno, co kumukakala na mulonga kuli Shukulu Kalunga, na kuli vakweni vaIsalele. Asinoni Shukulu Kalunga akamitava ngeci eli lifuti lili mu ngangela ya Yondau linapu lyeni.

Kulava 32:26

Vanakazi vetu, na vana vetu, na vingombe vetu, na vimanga vetu vakasala kuno ku membo a mu Ngilyande.

Kulava 32:29

Co Mosesa wendekele kuli vakevo ngwendi, “Nga vanu va Ngande, na vanu va Luvena vanalivwaesela cimweja kujavuka nakuya musambwa ya Yondau ku nzita amo neni ngwe mwanashiki Shukulu Kalunga, nga vakamikwasa kufungulula lifuti, co mukavana lifuti lya Ngilyande kupwa vufuko vwavo.

Kwituluka mu Mashiko 3:18

“Co a simbu ije vene, njavanene mashiko awa ngwange, ‘Shukulu Kalunga Njambi yetu namyana lifuti eli lya mu ngangela ku Ndonga ya Yondau ngeci lipwe lyeni. Ololo vanalume voshe vaje vasa kuya ku nzita vajavuke Ndonga ya Yondau, vaye kulutwe ku miyati ya vavushoko vweni vaIsalele, mukavakwase kutambula lifuti lyavo ngeci vakakalemo.

Kwituluka mu Mashiko 3:20

Kwaseni vavushoko vweni vaIsalele noo vanatambula lifuti lije lyakavana Shukulu Kalunga lije lili mu kangombe ka yambi ka Yondau, noo Shukulu Kalunga navatavesa kukala muje mu kwoloka ngwe mwanamilingila laja yeni kuno. Munima yevi, co mukeluka ku lifuti eli linjinamyana.’

Kwituluka mu Mashiko 34:1

Mosesa watundile mu vyana vya Mowavi walamatele ku Munkinda wa Nembo, akamwa ya Munkinda wa Pisenga mu ngangela ya Yeliko. Co kuje vene Shukulu Kalunga wamumwesele lifuti lyoshe lya Ngilyande kweta na ku kunto ya nganda ya Ndani,

Yoshwa 13:11

Kukumbasanako na Ngilyande, na mitambela ya vaNgeshule, na vaMaka, na Munkinda woshe wa Helemone, na Mbashane yoshe kweta na ku Saleka.

Yoshwa 13:25

Co nginga yapwile Njazele na vinganda vyoshe vya Ngilyande, na litambelo lya lifuti lya vaAmoni kweta na ku Aloele, ije yakala mu ngangela ya Lamba.

Yoshwa 13:31

Kukumbasanako litambelo lya Ngilyande, amo na Ashetalote, na Endeleyi, mitwe ya vinganda vya vumwene vwa Onge wa ku Mbashane. Vyoshe evi Mosesa wavyanene ku naanga ya Makile muna Manase.

Yoshwa 22:10

Omo miyati ya Luvena, na Ngande, na litambelo lya Manase vaje vakele mu ngangela vetele ku Ngelilote, vakele vene ku mutambela wa mu kangombe ka yambi ya Yondau, co vatungile mutula wauvwa wakama ku ngenge ya Ndonga ya Yondau.

Maako 20:1

Vanu va Isalele voshe kutunda ku Ndani ku kunto kutwala ku Mbelesheva mu mbwela, amo na lifuti lya Ngilyande mu ngangela, valikungulwile na mbunge imo ku mesho a Shukulu Kalunga ku Mizipa.

Maako 5:17

Co muyati wa vanu va Ngande vasalele mu ngangela ya Yondau, co muyati wa vanu va Ashele vasalele ku cikuma ca mema a kalunga, eyo, vasalele ku ngenge ya cikuma ca mema a kalunga.